ନୂଆଦିଲ୍ଲୀ: ଆଜି ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯିବ ଟି-ଟ୍ୱେଣ୍ଟି । ଏପଟେ ଶ୍ରୀଲଙ୍କା ପାଇଁ ଏହି ମ୍ୟାଚ୍ ଜିତିବା ନିହାତି ଜରୁରୀ ହୋଇ ପଡିଥିବା ବେଳେ,ଭାରତ ପ୍ରଥମ ମ୍ୟାଚ ୬୨ ରନ୍ରେ ଜିତିବାପରେ ସିରିଜ କୁ ଜିତିବାକୁ ମୂଳ ଲକ୍ଷ କରି ମଇଦାନ କୁ ଓହ୍ଲାଇବ । ବର୍ତ୍ତମାନ ଟିମ୍ ଇଣ୍ଡିଆ ଲଗାତାର ୧୦ଟି ମ୍ୟାଚ୍ ଅପରାଜୟ ରହିଛି । ତଥାପି ଶ୍ରୀଲଙ୍କା ଟିମ୍ ଭାରତୀୟ ଦଳର ବିଜୟର ଧାରାରେ ବ୍ରେକ ଲଗାଇବାକୁ ଚେଷ୍ଟା କରିବ । ଆଜି ସନ୍ଧ୍ୟା ୭ରୁ ଏହି ମ୍ୟାଚ୍ ଆରମ୍ଭ ହେବାକୁ ଯାଉଛି ।
ଗତ ୱେଷ୍ଟଇଣ୍ଡିଜ ବିପକ୍ଷ ଘରୋଇ ସିରିଜରେ ନିରାଶ କରିଥିବା ଯୁବ ଓପନର ଈଶାନ କିଷନ ପ୍ରଥମ ମ୍ୟାଚ୍ରେ ଧୂଆଁଧାର ଅର୍ଦ୍ଧଶତକୀୟ ଇନିଂସ୍ ଖେଳି ଫର୍ମକୁ ଫେରିଥିବାବେଳେ ୩ନଂ ସ୍ଥାନରେ ଶ୍ରେୟାସ ଆୟର ଅପରାଜିତ ୫୭ରନ୍ କରିଥିଲେ । ରୋହିତ ଶର୍ମା ଈଶାନ କିଷନ ୧୧୧ ରନର ଭାଗିଦାରିତାରେ ମ୍ୟାଚକୁ ଆଗକୁ ନେଇଥିଲେ। ଚହଲଙ୍କ ସ୍ଥାନରେ କୁଲଦୀପ ଯାଦବ ଖେଳିପାରନ୍ତି। ଆଜିର ମ୍ୟାଚରେ ରବିନ୍ଦ୍ର ଜାଡେଜାଙ୍କ ଉପରେ ନଜର ରହିବ।
ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯିବ ଟି-ଟ୍ୱେଣ୍ଟି
