ଦିଲ୍ଲୀ :ବର୍ମିଂହମ୍ରେ ଖେଳାଯାଇଥିବା ରାଜ୍ୟଗୋଷ୍ଠୀ କ୍ରୀଡ଼ାରେ ଦେଶକୁ ମିଳିଛି ଆଉ ଏକ ସ୍ଵର୍ଣ | ଏଯାବତ ଦେଶକୁ ୧୯ଟି ସ୍ଵର୍ଣ ହାସଲ ହୋଇଛି | ତେବେ ଏହି ସ୍ଵର୍ଣ ଭେଟି ଦେଇଛନ୍ତି ବ୍ୟାଡମିଣ୍ଟନ ସେନ୍ସେସନ୍ ପିଭି ସିନ୍ଧୁ । ମହିଳା ସିଙ୍ଗଲ୍ସ ବ୍ୟାଡମିଣ୍ଟନ ଫାଇନାଲରେ ଏମ.ଲିଙ୍କୁ ହରାଇ ସ୍ଵର୍ଣ ହାତେଇଛନ୍ତି ପିଭି ସିନ୍ଧୁ | ଏହି ସ୍ଵର୍ଣ ପଦକ ଜିତିବା ପରେ ଏହା ତାଙ୍କର ପ୍ରଥମ ରାଜ୍ୟ ଗୋଷ୍ଟିକ୍ରିଡାରେ ସ୍ଵର୍ଣ ପଦକ ହାସଲ କରିଛନ୍ତି | ସିନ୍ଧୁଙ୍କ ଏପରି ବିଜୟରେ ସାରା ଭାରତ ଗର୍ବିତ ମନେକରୁଛି |୨୦୧୬ ରିଓ ଅଲମ୍ପିକରେ ରୌପ୍ୟ ଓ ୨୦୨୦ ଟୋକିଓ ଅଲମ୍ପିକରେ ବ୍ରୋଞ୍ଜ ପଦକ ବିଜେତା ସିନ୍ଧୁ ରାଜ୍ୟଗୋଷ୍ଠୀରେ ସ୍ୱର୍ଣ୍ଣ ଜିତି ପୁଣିଥରେ ଇତିହାସ ଦୋହରାଇଛନ୍ତି ।୬ ପଦକ ସହ ଭାରତ ପଦକ ଟାଲିର ୫ମ ସ୍ଥାନରେ ରହିଛି । ଏତିରେ ୧୫ ରୌପ୍ୟ ଓ ୨୨ ବ୍ରୋଞ୍ଜ ମଧ୍ୟ ସାମିଲ ରହିଛି ।ରାଜ୍ୟଗୋଷ୍ଠୀ କ୍ରୀଡ଼ାର ଶେଷ ଦିନରେ ୫ ସ୍ୱର୍ଣ୍ଣ ଜିତିବାର ସୁଯୋଗ ରହିଛି ।ଏହା ପୂର୍ବରୁ ୨୦୧୮ ମସିହାରେ ସାଇନା ନେହୱାଲ ରାଜ୍ୟଗୋଷ୍ଠୀରେ ମହିଳା ଏକକରେ ସ୍ୱର୍ଣ୍ଣ ଜିତିଥିଲେ ।
