ନୂଆଦିଲ୍ଲୀ: ଆଜି ଭାରତ-ନ୍ୟୁଜିଲାଣ୍ଡ ମଧ୍ୟରେ ଟି-୨୦ ସିରିଜ୍ ଆରମ୍ଭ ହୋଇଛି । ୱେଲିଙ୍ଗଟନ୍ରେ ଏହି ମ୍ୟାଚ୍ ଖେଳା ଯିବ । ଏହି ମ୍ୟାଚ ପୂର୍ବରୁ ଭାରତୀୟ ଦଳରେ ବଡ ପରିବର୍ତ୍ତନ କରାଯାଇଛି । ଭାରତୀୟ ଟିମରୁ ବାଦ ପଡିଛନ୍ତି ଅଧିନାୟକ ରୋହିତ ଶର୍ମା ଏବଂ ଉପ-ଅଧିନାୟକ କେ.ଏଲ୍ ରାହୁଲ । ରୋହିତଙ୍କ ସ୍ଥାନରେ ହାର୍ଦ୍ଦିକ ପାଣ୍ଡିଆଙ୍କୁ ଦଳର ଅଧିନାୟକ ପଦ ହସ୍ତାନ୍ତର କରାଯାଇଛି । ପୂର୍ବରୁ ପାଣ୍ଡ୍ୟା ଆଇପିଏଲରେ ଗୁଜୁରାଟ ଟାଇଟାନ୍ସର କମାଣ୍ଡ ଦାୟିତ୍ୱ ଗ୍ରହଣ କରିଛନ୍ତି ।ତେବେ ଆଇପିଏଲରେ ଉନ୍ନତ ପଦର୍ଶନ କରି ଦଳକୁ ଚାମ୍ପିଅନ୍ କରିଥିଲେ ପାଣ୍ଡ୍ୟା ।ଏହା ପରେ ସେ ଭାରତୀୟ ଦଳର ଅଧିନାୟକ ହେବାର ସୁଯୋଗ ପାଇଥିଲେ । ତେବେ ଏହି ମ୍ୟାଚରେ ହାର୍ଦ୍ଦିକ ପାଣ୍ଡିଆ ଅଧିନାୟକତ୍ୱ କରୁଥିବାରୁ ଭାରତୀୟ କ୍ରିକେଟ ପ୍ରେମୀ ବେଶ ଆଶାବାଦୀ ରହିଛନ୍ତି ।
ତେବେ ଅନ୍ତର୍ଜାତୀୟ ସ୍ତରରେ ପ୍ରଥମ ଥର ପାଇଁ ଏକ ବଡ ଦଳ ବିପକ୍ଷରେ ହାର୍ଦ୍ଦିକ ଅଧିନାୟକତ୍ୱ କରୁଛନ୍ତି ।ନଭେମ୍ବର ୧୮ ତଥା ଶୁକ୍ରବାର ଦିନ ୧୨ଟାରୁ ମ୍ୟାଚ ଆରମ୍ଭ ହୋଇଛି । ଏହି ମ୍ୟାଚକୁ ଡିଡି ସ୍ପୋସରେ ପ୍ରସାରଣ କରାଯିବ । ଏହା ସହ ମ୍ୟାଚର ଲାଇଭ୍ ଷ୍ଟ୍ରିମିଂ ଭାରତର ଆମାଜନ ପ୍ରାଇମ ରେ ଦେଖି ପାରିବେ ।
