Cricket

ଦିନିକିଆ ସିରିଜରୁ ବାଦ୍‌ ପଡିଲେ ଷ୍ଟାର ବୋଲର ଜସପ୍ରୀତ ବୁମରା

ନୂଆଦିଲ୍ଲୀ: ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ ପୂର୍ବରୁ ଟିମ୍‌ ଇଣ୍ଡିଆକୁ ବଡ ଝଟକା । ଦିନିକିଆ ସିରିଜରୁ ବାଦ୍‌ ପଡିଲେ ଷ୍ଟାର ବୋଲର ଜସପ୍ରୀତ ବୁମରା । ଖେଳିବେ ବୋଲି ବିସିସିଆଇ ଟ୍ବିଟ କରି ସୂଚନା ଦେଇଥିଲା। ହେଲେ ଏବେ ବିସିସିଆଇ ନିଜ ନିଷ୍ପତ୍ତି ବଦଳାଇଛି। ଜସପ୍ରୀତ ବୁମରାଙ୍କ ପିଠିରେ ସମସ୍ୟା ହେତୁ ତାଙ୍କୁ ଏତେ ଶୀଘ୍ର ମଇଦାନକୁ ଆଣିବା ଉଚିତ୍ ହେବ ନାହିଁ ବୋଲି ବିସିସିଆଇ ଚିନ୍ତା କରୁଥିବା ଚର୍ଚ୍ଚା ହେଉଛି।

ପୂର୍ବରୁ ଏସିଆ କପ୍ ୨୦୨୨ରେ ପିଠିରେ ସମସ୍ୟା ହେତୁ ବାଦ୍ ପଡିଥିବା ଦ୍ରୁତ ବୋଲର ଜସପ୍ରୀତ ବୁମରାଙ୍କୁ ତରବରିଆ ଭାବେ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ସାମିଲ କରାଯାଇଥିଲା କିନ୍ତୁ ପରେ ଏହି ସମସ୍ୟା ଜଟିଳ ହେବାରୁ ସେ ଟି-୨୦ ବିଶ୍ୱକପରୁ ବାଦ ପଡିଥିଲେ। ଏବେ ସେଭଳି ଭୁଲ ନକରି ବିସିସିଆଇ ତାଙ୍କୁ ବିଶ୍ରାମ ଦେବାକୁ ଶ୍ରୀଲଙ୍କା ବିପକ୍ଷ ଦିନିକିଆ ଶୃଙ୍ଖଳାରେ ସାମିଲ କରୁନଥିବା କୁହାଯାଉଛି। ବୁମରା ନ୍ୟୁଜିଲାଣ୍ଡ ବିପକ୍ଷରେ ୧୮ ଜାନୁଆରୀରେ ହେବାକୁ ଥିବା ସୀମିତ ଓଭର ସିରିଜରେ ଖେଳିପାରନ୍ତି ।

Related posts

ଶୁଭେନ୍ଦୁ ସରକାର ଆସୁ ଆସୁ ଗାଙ୍ଗୁଲିଙ୍କ ସୁରକ୍ଷା ହ୍ରାସ…

ଟିମ୍ ଇଣ୍ଡିଆକୁ ଚେତାବନୀ ଦେଇଛି ପାକିସ୍ତାନ

Odisha Sports Bureau

ମାହିକା ଓ ପୁଅ ଅଗସ୍ତ୍ୟଙ୍କ ସହ ଛୋଟି ଦୀପାବଳି ପାଳିଲେ ହାର୍ଦ୍ଦିକ ପାଣ୍ଡ୍ୟା; ସୋସିଆଲ ମିଡିଆରେ ଫଟୋ ଭାଇରାଲ୍

Odisha Sports Bureau