ମ୍ୟାଚ ମଝିରେ ରୋହିତଙ୍କୁ କୁଣ୍ଢାଇ ପକାଇଲେ ଫ୍ୟାନ

ରାଜସ୍ଥାନ : ଆଇପିଏଲ ୨୦୨୪ ରେ ମୁମ୍ବାଇ ଇଣ୍ଡିଆନ୍ସ ସମସ୍ୟା ଦିନକୁ ଦିନ ବଢିବାରେ ଲାଗିଛି । ରାଜସ୍ଥାନ ରୟାଲ୍ସ ଠାରୁ ୬ ୱିକେଟରେ ହାରିବା ସହ ୩ଟି ଯାକ ମ୍ୟାଚ ହାରିସାରିଛି । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯାଉଥିବା ମ୍ୟାଚରେ ମଜାଦାର ଘଟଣା ଦେଖିବାକୁ ମିଳିଛି । ଏହି ମ୍ୟାଚରେ ଜଣେ ଫ୍ୟାନ ସୁରକ୍ଷାବଳୟ ଭାଙ୍ଗି ମଇଦାନକୁ ପସି ଆସି ରୋହିତ ଶର୍ମାଙ୍କୁ କୁଣ୍ଢାଇ ପକାଇଥିଲେ । ରାଜସ୍ଥାନ ରୟାଲ୍ସ ବ୍ୟାଟିଂ କରୁଥିବା ସମୟରେ ମୁମ୍ବାଇ ଇଣ୍ଡିଆନ୍ସ ଟିମ ଫିଲ୍ଡିଂ କରୁଥିଲା । ଏହି ସମୟରେ ଜଣେ ଫ୍ୟାନ ମଇଦାନକୁ ଦୌଡି ଆସି ରୋହିତଙ୍କୁ କୁଣ୍ଢାଇ ପକାଇଥିଲା । ରୋହିତଙ୍କୁ କୁଣ୍ଢାଇବା ପରେ ପ୍ୟାନ ଜଣକ ଇଶାନ କିଶାନଙ୍କୁ ସହିତ ହାତି ମିଶାଇଥିଲେ । ଏହାପରେ ଦୌଡିବାକୁ ଚେଷ୍ଟା କରିଥିଲେ । କିନ୍ତୁ ଫ୍ୟାନଙ୍କୁ ସୁରକ୍ଷାକର୍ମୀ ଧରି ବାହାରକୁ ନେଇଯାଇଥିଲେ ।