ପ୍ରୋଭିଡେନ୍ସ ଷ୍ଟାଡିୟମରେ ଆଜି ଭାରତ ଓ ଇଂଲଣ୍ଡ ଖେଳିବେ ସେମି ଫାଇନାଲ

ନୂଆଦିଲ୍ଲୀ: ଟି – ୨୦ କ୍ରିକେଟ ବିଶ୍ୱକପ । ଆଜି ସନ୍ଧ୍ୟାରେ ଭାରତ ଓ ଇଂଲଣ୍ଡ ମୁକାବିଲା । ଗାଏନାରେ ଏହି ମ୍ୟାଚ ଖେଳାଯିବ । ବିଜୟୀ ଦଳ ଦକ୍ଷିଣ ଆଫ୍ରିକା ସହିତ ଫାଇନାଲ ମ୍ୟାଚ ଖେଳିବ । ପ୍ରଥମ ସେମି ଫାଇନାଲଲରେ ଆଫଗାନିସ୍ତାନକୁ ପରାଜିତ କରି ବିଶ୍ୱକପରେ ପ୍ରଥମ ଥର ପାଇଁ ଫାଇନାଲ ରେ ପ୍ରବେଶ କରିଛି ଦକ୍ଷିଣ ଆଫ୍ରିକା ଟିମ । ଏପଟେ ଦ୍ୱିତୀୟ ସେମି ମୁକାବିଲାରେ ଇଂଲଣ୍ଡ ଠାରୁ ପ୍ରତିଶୋଧ ନେବା ଲକ୍ଷ୍ୟରେ ରହିଛି ଟିମ ଇଣ୍ଡିଆ । ୨୦୨୨ ହୋଇଥିବା ଟି -୨୦ ବିଶ୍ୱକପର ମାତ୍ର ୧୯ ମାସର ବ୍ୟବଧାନ ପରେ ପୁଣି ଥରେ ମୁହାଁମୁହିଁ ହେଉଛନ୍ତି ପୁରୁଣା ପ୍ରତିଦ୍ୱନ୍ଦ୍ୱୀ । ପ୍ରୋଭିଡେନ୍ସ ଷ୍ଟାଡିୟମରେ ଆଜି ଭାରତ ଓ ଇଂଲଣ୍ଡ ଖେଳିବେ ସେମି ଫାଇନାଲ । ତେବେ ଇଂଲଣ୍ଡ ଡିଫେଣ୍ଡିଂ ଚାମ୍ପିଅନ ଭାବେ ଗ୍ରାଉଣ୍ଡକୁ ଓହ୍ଲାଇବ କିନ୍ତୁ ସେପଟେ ଭାରତ ଲକ୍ଷ୍ୟ ରହିବ ପୂର୍ବ ପରାଜୟର ପ୍ରତିଶୋଧ । ତେବେ ଏହି ମ୍ୟାଚରେ ୨୦,୦୦୦ ଦର୍ଶକ ଧାରଣ କ୍ଷମତା ରଖିଥିବା ଷ୍ଟାଡିୟମ ଗୁରୁବାର ହାଉସ ଫୁଲ ହେବାର ଆସଙ୍କା କରାଯାଉଛି ।
ତେବେ ଆଜିର ମ୍ୟାଚରେ ବିରାଟ କୋହଲିଙ୍କ ଉପରେ ଦର୍ଶକଙ୍କ ନଜର ରହିବ । ଓପନର ଭାବେ ଖେଳିବା ଦିନଠୁ ସେ ଏପର୍ଯ୍ୟନ୍ତ ସଫଳ ହୋଇନାହାନ୍ତି । ତଥାପି ଦଳ ତାଙ୍କ ଉପରେ ଯଥେଷ୍ଟ ସମ୍ଭାବନା ରହିଛି । ଷ୍ଟାଡିୟମର ଗୋଟଏ ପାଶ୍ୱର୍ରେ ଡେମେରାରା ନଦୀ ଓ ଅଦ୍ୟ ଏକ ପାଶ୍ୱର୍ରେ ସମୁଦ୍ର ରହିଥିବାରୁ ପବପର ବେଗ ଅପେକ୍ଷାକୃତ ଅଧିକ ରହିବ । ସ୍ପନରମାନେ ପିଚରୁ ଭରପୁର ଫାଇଦା ଉଠାଇ ପରିବେ ।