ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜର ଆଜି ହେଉଛି ଶେଷ ମୁକାବିଲା । ଘନ କୁହୁଡ଼ି ପାଇଁ ଲକ୍ଷ୍ନୌରେ ଖେଳାଯିବାକୁ ଥିବା ଚତୁର୍ଥ ମୁକାବିଲା ବାତିଲ ହେବା ପରେ ଦୁଇ ଦଳ ଗୁଜରାଟ ମୁହାଁ ହୋଇଛନ୍ତି । ଗୁଜରାଟର ନରେନ୍ଦ୍ର ମୋଦୀ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମ୍ରେ ପଞ୍ଚମ ତଥା ଶେଷ ଟ୍ବେଣ୍ଟି-୨୦ ମ୍ୟାଚ୍ ଖେଳାଯିବ । ୫ ମ୍ୟାଚ୍ ବିଶିଷ୍ଟ ଶୃଙ୍ଖଳାରେ ଭାରତ ୨-୧ରେ ଆଗୁଆ ଥିବାରୁ ଭାରତୀୟ ଦଳ ବିଜୟଧାରା ବଜାୟ ରଖିବା ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇବ । ଅନ୍ୟପଟେ ଦକ୍ଷିଣ ଆଫ୍ରିକା କିନ୍ତୁ ଏହି ମୁକାବିଲାକୁ ଜିତି ଶୃଙ୍ଖଳା ଅମୀମାଂସିତ ରଖିବା ଏବଂ ସମ୍ମାନର ସହ ଗସ୍ତ ଶେଷ କରିବାର ଆଶା ନେଇ ପଡ଼ିଆକୁ ଓହ୍ଲାଇବ ।
ରିପୋର୍ଟ ଅନୁଯାୟୀ ଚତୁର୍ଥ ମ୍ୟାଚ୍ ପୂର୍ବରୁ ଗିଲଉପ-ଅଧିନାୟକ ଶୁବମନ ଗିଲ୍ ଙ୍କ ପାଦର ଆଙ୍ଗୁଠିରେ ଆଘାତ ଲାଗିବା ପରେ ସେ ପାଞ୍ଚମ ମ୍ୟାଚ୍ ଖେଳିବା ନେଇ ସନ୍ଦେହ ସୃଷ୍ଟି ହୋଇଛି । ତାଙ୍କ ଜାଗାରେ ଦଳ ସଞ୍ଜୁ ସାମ୍ସନ୍ଙ୍କୁ ସୁଯୋଗ ଦେଇପାରେ। ଯଦି ସଞ୍ଜୁ ସାମ୍ସନ୍ ଚୂଡ଼ାନ୍ତ ଦଳରେ ରହିଲେ ସେ ଅଭିଷେକ ଶର୍ମାଙ୍କ ସହ ପାଳି ଆରମ୍ଭ କରିବେ । ମ୍ୟାଚରେ ସବୁଠୁ ଅଧିକ ନଜର ଅଧିନାୟକ ସୂର୍ଯ୍ୟ କୁମାର ଯାଦବଙ୍କ ଉପରେ ରହିବ । କାରଣ ସେ ଲଗାତାର ସମସ୍ତ ମ୍ୟାଚ୍ ରେ ବିଫଳ ହୋଇଛନ୍ତି । ତାଙ୍କ ବ୍ୟାଟରୁ ଫ୍ୟାନ୍ସ ବଡ ରନ୍ ଆଶା କରୁଛନ୍ତି । ତେବେ ଟି୨୦ ବିଶ୍ୱକପ୍ ପୂର୍ବରୁ ସୂର୍ଯ୍ୟ ଫର୍ମକୁ ଫେରିବା ଅଧିକ ଗୁରୁତ୍ୱପୂର୍ଣ୍ଣ । ଯଦି ଭାରତ ଏହି ମ୍ୟାଚ୍ ଜିତିଯାଏ, ତେବେ ଏହା ଭାରତର କ୍ରମାଗତ ୧୪ତମ ଟି-୨୦ ଅନ୍ତର୍ଜାତୀୟ ସିରିଜ୍ ବିଜୟ ହେବା ସହିତ ଏକ ଗୁରୁତ୍ୱପୂର୍ଣ୍ଣ ସଫଳତା ହେବ ।
