ଆଘାତ କାରଣରୁ ବାଦ୍ ପଡିଲେ ଆୟୁଷ ମହାତ୍ରେ । ଚେନ୍ନାଇ ସୁପର କିଙ୍ଗ୍ସର ବ୍ୟାଟସମ୍ୟାନ୍ ଆୟୁଷ ମହାତ୍ରେ, IPL 2026ରୁ ବାଦ ପଡ଼ିଛନ୍ତି। ଦଳ ନିଶ୍ଚିତ କରିଛି ଯେ, 18 ବର୍ଷୀୟ ଏହି ବ୍ୟାଟସମ୍ୟାନ୍ ହାମଷ୍ଟ୍ରିଙ୍ଗ୍ ଆଘାତରେ ପୀଡିତ । ଏବଂ ତାଙ୍କୁ 6 ରୁ 12 ସପ୍ତାହ ପାଇଁ ବିଶ୍ରାମ କରିବାକୁ ପଡିବ।
ସୂଚନା ଅନୁଶାରେ, ୧୮ ଏପ୍ରିଲରେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ବ୍ୟାଟିଂ କରୁଥିବା ସମୟରେ ଆୟୂଷ ଆଘାତ ପାଇଥିଲେ। ଦ୍ୱିତୀୟ ରନ କରିବାକୁ ଚେଷ୍ଟା କରିବା ସମୟରେ, ହାମଷ୍ଟ୍ରିଙ୍ଗ୍ ଆଘାତ ପାଇଥିଲେ । ମ୍ୟାଚ୍ ସମୟରେ ତାଙ୍କୁ ଦୁଇଥର ପଡ଼ିଆରେ ଚିକିତ୍ସା କରାଯାଇଥିଲା । କିନ୍ତୁ ତାଙ୍କ ଆଉଟ୍ ପରେ, ରାମକୃଷ୍ଣ ଘୋଷ ଏବଂ ଫିଜିଓ ଟମି ସିମସେକ୍ ତାଙ୍କୁ ପଡ଼ିଆ ବାହାରକୁ ନେଇଯାଇଥିଲେ। ପରେ ସୋମବାର ସ୍କାନ କରାଯାଇଥିଲା, ଯାହା ଆଘାତର ଗମ୍ଭୀରତାକୁ ପ୍ରକାଶ କରିଥିଲା।
