ଶ୍ରେୟସ ଆୟର ହେଲେ ଭାରତର ୧୫ତମ ଟି-୨୦ ଅଧିନାୟକ

ଭାରତୀୟ ଟି-୨୦ କ୍ରିକେଟ ଦଳରେ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିଛି। ୨୦୨୬ ଟି-୨୦ ବିଶ୍ୱକପ୍ ବିଜେତା ଅଧିନାୟକ ସୂର୍ଯ୍ୟକୁମାର ଯାଦବଙ୍କ ସ୍ଥାନରେ ଏବେ ଷ୍ଟାର୍ ବ୍ୟାଟସମ୍ୟାନ୍ ଶ୍ରେୟସ ଆୟରଙ୍କୁ ଟିମ୍ ଇଣ୍ଡିଆର ୧୫ତମ” ଟି-୨୦ ଅଧିନାୟକ ଭାବେ ନିଯୁକ୍ତ କରାଯାଇଛି।

ଆୟରଙ୍କ ନେତୃତ୍ୱରେ ‘ମେନ୍ ଇନ୍ ବ୍ଲୁ’ ପ୍ରଥମ ସିରିଜ୍ ଆୟରଲ୍ୟାଣ୍ଡ ବିପକ୍ଷରେ ଖେଳିଥିଲା, ଯେଉଁଠି ଦଳକୁ ୦-୨ରେ ପରାଜୟର ସାମ୍ନା କରିବାକୁ ପଡ଼ିଥିଲା। ବର୍ତ୍ତମାନ ଆୟରଙ୍କ ଅଧିନାୟକତ୍ୱରେ ଦଳ ଇଂଲଣ୍ଡ ବିପକ୍ଷରେ ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳୁଛି, ଯାହାର ପ୍ରଥମ ମ୍ୟାଚ୍ ବର୍ଷା ଯୋଗୁଁ ବାତିଲ ହୋଇଯାଇଛି। ସାଧାରଣତଃ ଲୋକେ ଭାବନ୍ତି ମହେନ୍ଦ୍ର ସିଂ ଧୋନି ହିଁ ଭାରତର ପ୍ରଥମ ଟି-୨୦ ଅଧିନାୟକ, କିନ୍ତୁ ଏହା ଭୁଲ୍। ୨୦୦୬ ମସିହାରେ ଦେଶର ପ୍ରଥମ ଟି-୨୦ ମ୍ୟାଚ୍‌ରେ ବିସ୍ଫୋରକ ଓପନର ବୀରେନ୍ଦ୍ର ସେହୱାଗ ଭାରତର କମାଣ୍ଡ ସମ୍ଭାଳିଥିଲେ। ଏହାପରେ ୨୦୦୭ରେ ଧୋନିଙ୍କୁ ଦାୟିତ୍ୱ ମିଳିଥିଲା।

୨୦୦୬ରୁ ଆରମ୍ଭ କରି ୨୦୨ ପର୍ଯ୍ୟନ୍ତ ଟିମ୍ ଇଣ୍ଡିଆର ନେତୃତ୍ୱ ନେଇଥିବା ସମସ୍ତ ଅଧିନାୟକଙ୍କ ରିପୋର୍ଟ କାର୍ଡ:

ଭାରତୀୟ କ୍ରିକେଟ ଇତିହାସରେ କେବଳ ୩ ଜଣ ଅଧିନାୟକ ଭାରତକୁ ଟି-୨୦ ବିଶ୍ୱକପ୍ ଟ୍ରଫି ଆଣିଦେବାରେ ସଫଳ ହୋଇଛନ୍ତି:

ଏମଏସ ଧୋନି (୨୦୦୭): ପ୍ରଥମ ଟି-୨୦ ବିଶ୍ୱକପ୍‌ରେ ଭାରତକୁ ଚାମ୍ପିଅନ୍ କରାଇଥିଲେ।

ରୋହିତ ଶର୍ମା (୨୦୨୪): ୧୭ ବର୍ଷର ମରୁଡ଼ି ଅନ୍ତ କରି ଦ୍ୱିତୀୟ ଥର ଭାରତକୁ ବିଶ୍ୱବିଜେତା କରିଥିଲେ।

ସୂର୍ଯ୍ୟକୁମାର ଯାଦବ (୨୦୨୬): ବିଜୟ ଧାରା ବଜାୟ ରଖି ନିକଟରେ ଭାରତକୁ ତୃତୀୟ ଟି-୨୦ ବିଶ୍ୱକପ୍ ଟାଇଟଲ୍ ଭେଟି ଦେଇଛନ୍ତି।