ବିସିସିଆଇ ୨୦୨୬ ଅଣ୍ଡର–୧୯ ବିଶ୍ବକପ୍ ଏବଂ ଦକ୍ଷିଣ ଆଫ୍ରିକା ଗସ୍ତ ପାଇଁ ଘୋଷଣା କରିଛି ଭାରତୀୟ ଦଳ । ଜୁନିଅର କ୍ରିକେଟ୍ କମିଟି ଦକ୍ଷିଣ ଆଫ୍ରିକା ବିପକ୍ଷରେ ଆଗାମୀ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଏବଂ ଜିମ୍ବାୱେ ଏବଂ ନାମିବିଆରେ ଜାନୁଆରୀ ୧୫ ରୁ ଫେବୃଆରୀ ୬ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ICC ପୁରୁଷ U19 ବିଶ୍ୱକପ୍ ପାଇଁ ଭାରତ ଅଣ୍ଡର–୧୯ ଦଳ ବାଛିଛି। ପାଞ୍ଚଥର ଚାମ୍ପିଅନ୍ ଭାରତ ନ୍ୟୁଜିଲାଣ୍ଡ, ଆମେରିକା ଏବଂ ବାଂଲାଦେଶ ସହିତ ଗ୍ରୁପ୍ ବିରେ ସ୍ଥାନିତ ହୋଇଛି। ଭାରତ ୧୫ ଜାନୁଆରୀରେ ବୁଲାୱାୟୋର କୁଇନ୍ସ ସ୍ପୋର୍ଟ୍ସ କ୍ଲବରେ ଆମେରିକା ବିପକ୍ଷରେ ତାଙ୍କର ଅଭିଯାନ ଆରମ୍ଭ କରିବ, ତା’ପରେ ୧୭ ଜାନୁଆରୀରେ ସମାନ ସ୍ଥାନରେ ବାଂଲାଦେଶ ଏବଂ ୨୪ ଜାନୁଆରୀରେ ନ୍ୟୁଜିଲାଣ୍ଡ ବିପକ୍ଷରେ ମ୍ୟାଚ୍ ଖେଳିବ। ବିଶ୍ୱକପ୍ ପୂର୍ବରୁ, ଭାରତ U19 ଦଳ ବେନୋନିରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ପାଇଁ ଦକ୍ଷିଣ ଆଫ୍ରିକା ଗସ୍ତ କରିବ। ଆୟୁଷ ମହାତ୍ରେଙ୍କ ଅଧିନାୟକତ୍ବରେ ଖେଳିବ ଭାରତ ।
ସେହିପରି ବିହାନ ମାଲହୋତ୍ରାଙ୍କୁ ଉପ–ଅଧିନାୟକ ଦାୟିତ୍ବ ଦିଆଯାଇଛି । ଅନ୍ୟପଟେ ଅଣ୍ଡର–୧୯ ବିଶ୍ବକପ୍ ଦଳରେ ବୈଭବ ସୂର୍ଯ୍ୟବଂଶୀଙ୍କୁ ମଧ୍ୟ ସୁଯୋଗ ମିଳିଛି । ୨୦୨୬ ମସିହାର ୧୯ ବର୍ଷରୁ କମ୍ ବିଶ୍ୱକପ୍ ପୂର୍ବରୁ, ଭାରତୀୟ ଦଳ ଦକ୍ଷିଣ ଆଫ୍ରିକା ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍ ଖେଳିବ । ଏଥିପାଇଁ ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକା ଗସ୍ତ କରିବ। ଏହି ସିରିଜ୍ ପାଇଁ ଆୟୁଷ ମହାତ୍ରେଙ୍କୁ ବିଶ୍ରାମ ଦିଆଯାଇଛି। ବୈଭବ ସୂର୍ଯ୍ୟବଂଶୀ ଅଧିନାୟକ ଭାବରେ ଦାୟିତ୍ୱ ଗ୍ରହଣ କରିବେ। ମହାତ୍ରେଙ୍କ ରିଷ୍ଟରେ ଆଘାତ ଲାଗିଛି, ତେଣୁ ସେ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ଅଂଶଗ୍ରହଣ କରିବେ ନାହିଁ । ତଥାପି, ମହାତ୍ରେ ୧୯ ବର୍ଷରୁ କମ୍ ବିଶ୍ୱକପ୍ ରେ ଟିମ୍ ଇଣ୍ଡିଆର ଅଧିନାୟକ ରହିବେ । ୨୦୨୬ ମସିହାରେ ହେବାକୁ ଥିବା ୧୯ ବର୍ଷରୁ କମ୍ ବିଶ୍ୱକପ୍ରେ ମୋଟ ୧୬ଟି ଦଳ ଅଂଶଗ୍ରହଣ କରିବେ। ଭାରତକୁ ନ୍ୟୁଜିଲ୍ୟାଣ୍ଡ, ଆମେରିକା ଏବଂ ବାଂଲାଦେଶ ସହିତ ଗ୍ରୁପ୍ ବିରେ ରଖାଯାଇଛି। ଟିମ୍ ଇଣ୍ଡିଆ ଜାନୁଆରୀ ୧୫ ତାରିଖରେ ଆମେରିକା ବିପକ୍ଷରେ ଏକ ମ୍ୟାଚ୍ ସହିତ ବିଶ୍ୱକପ୍ ଅଭିଯାନ ଆରମ୍ଭ କରିବ, ଜାନୁଆରୀ ୧୭ ତାରିଖରେ ବାଂଲାଦେଶ ବିପକ୍ଷରେ ଦ୍ୱିତୀୟ ମ୍ୟାଚ୍ ଏବଂ ଜାନୁଆରୀ ୨୪ ତାରିଖରେ ଭାରତର ଶେଷ ଲିଗ୍ ମ୍ୟାଚ୍ ନ୍ୟୁଜିଲ୍ୟାଣ୍ଡ ବିପକ୍ଷରେ ହେବ। ଅଣ୍ଡର–୧୯ ବିଶ୍ୱକପ ପାଇଁ ଭାରତୀୟ ଦଳ: ଆୟୁଷ ମହାତ୍ରେ (ଅଧିନାୟକ), ବିହାନ ମାଲହୋତ୍ରା (ଉପ–ଅଧିନାୟକ), ବୈଭବ ସୂର୍ଯ୍ୟବଂଶୀ, ଆରୋନ ଜର୍ଜ, ବେଦାନ୍ତ ତ୍ରିବେଦୀ, ଅଭିଗାନ୍ କୁଣ୍ଡୁ, ହରଭାନ୍ ସିଂ, ଆର.ଏସ୍ ଆମ୍ବ୍ରିସ୍, କନିଷ୍କ୍ ଚୌହାନ, ଖିଲାନ୍ ଏ ପଟେଲ, ମହମ୍ମଦ ଇନାନ୍, ହେନିଲ ପଟେଲ, ଡି ଦିପେଶ, କିଶାନ କୁମାର ସିଂହ ଏବଂ ଉଦ୍ଦବ ମୋହନ । ଦକ୍ଷିଣ ଆଫ୍ରିକା ଗସ୍ତ ପାଇଁ ଭାରତୀୟ ଦଳ ଘୋଷଣା: ବୈଭବ ସୂର୍ଯ୍ୟବଂଶୀ(ଅଧିନାୟକ), ଆରୋନ୍ ଜର୍ଜ (ଉପ–ଅଧିନାୟକ), ବେଦାନ୍ତ ତ୍ରିବେଦୀ, ଅଭିଗାନ୍ କୁଣ୍ଡୁ (ୱିକେଟ୍ କିପର), ହରଭାନ୍ ସିଂ (ୱିକେଟ୍ କିପର), ଆର.ଏସ୍ ଆମ୍ବ୍ରିସ୍, କନିଷ୍କ୍ ଚୌହାନ୍, ଖିଲାନ୍ ଏ ପଟେଲ, ମହମ୍ମଦ ଇନାନ୍, ହେନିଲ ପଟେଲ, ଡି ଦୀପେଶ, କିଶାନ କୁମାର ସିଂହ ।
