ସହୋଦୟ ସ୍କୁଲ କମ୍ପେ୍ଲକ୍ସ ପକ୍ଷରୁ କ୍ରିକେଟ ଚାମ୍ପିଅନସିପ ଅନୁଷ୍ଠିତ

ସମ୍ବଲପୁର: ସମ୍ବଲପୁର ପଶ୍ଚିମ ଓଡ଼ିଶା ସହୋଦୟ ସ୍କୁଲ କମ୍ପେ୍ଲକ୍ସ ପକ୍ଷରୁ ଆୟୋଜିତ ଶାସନସ୍ଥିତ ବିକାଶ ଦ କନସେପ୍ଟ ସ୍କୁଲ ପଡ଼ିଆରେ ଗତ ୯ ତାରିଖରୁ ଚାଲୁଥିବା ଆନ୍ତଃବିଦ୍ୟାଳୟ କ୍ରିକେଟ ଚାମ୍ପିଅନସିପ ଖେଳର ସେମିଫାଇନାଲ ମ୍ୟାଚ୍ ବିକାଶ ଦ କନସେପ୍ଟ ସ୍କୁଲ ଓ ବେଦିକ ଇନଟରନେସନାଲ ସ୍କୁଲ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ବିକାଶ ଦ କନସେପ୍ଟ ସ୍କୁଲ, ବେଦିକ ସ୍କୁଲକୁ ୬ ରନରେ ପରାସ୍ତ କରି ଫାଇନାଲକୁ ପ୍ରବେଶ କରିଛି। ବିକାଶ ଦ କନସେପ୍ଟ ସ୍କୁଲର ଏହି ସଫଳତା ପାଇଁ ବିକାଶ ଗ୍ରୁପର ମ୍ୟାନେଜିଂ ନିର୍ଦ୍ଦେଶକ ଜି. ଭାସ୍କର ରାଓ, ଏକାଡେମିକ ଡାଇରେକ୍ଟର ଜି. ରାମକୃଷ୍ଣ, ବିକାଶ ଦ କନସେପ୍ଟ ସ୍କୁଲ ଅଧ୍ୟକ୍ଷ ମନୋରଞ୍ଜନ ପତି, ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ସଞ୍ଜୀବ କୁମାର ବାବୁ, ଏକାଡେମିକ ଅଫିସର ପୁଷ୍ପିତା ପଣ୍ଡା ବିକାଶ କ୍ରିକେଟ ଟିମର ଭୂୟସୀ ପ୍ରଶଂସା ସହିତ ଆଗାମୀ ମ୍ୟାଚ୍ ପାଇଁ ଶୁଭେଚ୍ଛା ଜଣାଇଛନ୍ତି। ଶନିବାର ବିକାଶ ଦ କନସେପ୍ଟ ସ୍କୁଲ ସମ୍ବଲପୁର ଓ ବିକାଶ ରେସିଡେନ୍ସିଆଲ୍ ସ୍କୁଲ ବରଗଡ଼଼ ମଧ୍ୟରେ ବରଗଡ଼଼ ବିକାଶ କ୍ରିକେଟ୍ ଗ୍ରାଉଣ୍ଡ୍ରେ ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବ। ବିକାଶ ସମ୍ବଲପୁର କ୍ରୀଡ଼ା ଶିକ୍ଷକ ରାଜେନ୍ଦ୍ର ବେହେରା, ସନ୍ତୋଷ ଶାହା ଓ ବଦ୍ରିନାରାୟଣ ପୁରୋହିତ ପ୍ରମୁଖ ଖେଳ ପରିଚାଳନାରେ ସହଯୋଗ କରିଥିଲେ ।