ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଗଲ୍ଫ ଖେଳିଲେ ଧୋନୀ

ନୂଆଦିଲ୍ଲୀ: ଟ୍ରମ୍ପଙ୍କ ସହ ଧୋନୀଙ୍କ ଗଲ୍ଫ ଖେଳ । ଟିମ୍ ଇଣ୍ଡିଆର ପୂର୍ବତନ କ୍ୟାପଟେନ୍ ମହେନ୍ଦ୍ର ସିଂ ଧୋନୀ କ୍ରିକେଟ୍ ର ଖେଳ ଦୁନିଆରେ ସମସ୍ତଙ୍କର ପ୍ରିୟ ରହିଥିବାବେଳେ ଏବେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଗଲ୍ଫ ଖେଳୁଥିବାର ଦୃଶ୍ୟ ସାମ୍ନାକୁ ଆସିଛି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଧୋନୀ ଆଉ ଟ୍ରମ୍ପ ଉଭୟ ନ୍ୟାସନାଲ ଗଲ୍ଫ କ୍ଲବରେ ଏକାଠି ଗଲ୍ଫ ଖେଳୁଥିବା ଦେଖିବାକୁ ମିଳିଛି ।
ମହେନ୍ଦ୍ର ସିଂ ଧୋନୀଙ୍କ ଆଇପିଏଲ୍ ଖେଳିବା ସମୟରେ ତାଙ୍କ ଗୋଡରେ ଆଘାତ ଲାଗିବାରୁ ସେ ମୁମ୍ବାଇରେ ତାଙ୍କ ଆଣ୍ଠୁର ସର୍ଜରୀ କରିଥିଲେ । ଆଉ ଏବେ ଗଲ୍ଫ ପଡିଆରେ ଧୋନୀ ଖେଳୁଥିବାର ଭିଡିଓ ସାମ୍ନାକୁ ଆସିବା ପରେ, ଏବେ ତାଙ୍କ ଫ୍ୟାନ୍ସମାନେ ମଧ୍ୟ ବେଶ ଉତ୍ସାହିତ ଅଛନ୍ତି । ତେବେ ଜାଣିବାକୁ ମିଳିଛି ମହେନ୍ଦ୍ର ସିଂ ଧୋନୀଙ୍କୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆମନ୍ତ୍ରୀତ କରିଥିଲେ ।