ଭୁବନେଶ୍ୱର : ଉତ୍କଳ ବିଶ୍ୱବିଦ୍ୟାଳୟର ସ୍ପୋର୍ଟସ କାଉନସିଲ୍ ଦ୍ଵାରା ପ୍ରଯୋଜିତ ଆନ୍ତ ମହାବିଦ୍ୟାଳୟ ମହିଳା ଭଲିବଲ୍ ଟୁର୍ଣ୍ଣାମେଣ୍ଟ୍ ରେ ସରକାରୀ ଶାରୀରିକ ଶିକ୍ଷା ମହାବିଦ୍ୟାଳୟ ଚାମ୍ପିୟନ ଆଖ୍ୟା ଅର୍ଜନ କରିଛି I ଏଲ୍. ଏନ୍.ସାହୁ ମହାବିଦ୍ୟାଳୟ,ଜଗତପୁର ପରିସରରେ ଅନୁଷ୍ଠିତ ଏହି ଭଲିବଲ୍ ଟୁର୍ଣ୍ଣାମେଣ୍ଟର ଫାଇନାଲରେ ସରକାରୀ ଶାରୀରିକ ଶିକ୍ଷା ମହାବିଦ୍ୟାଳୟ (ଜି.ସି.ପି.ଇ), ଭୁବନେଶ୍ୱରର ମହିଳା ଦଳ୨-୦ ସେଟରେ କେନ୍ଦ୍ରାପଡା ସାନ୍ଧ୍ୟ ମହାବିଦ୍ୟାଳୟର ମହିଳା ଦଳକୁ ପରାସ୍ତ କରି ଚମ୍ପିୟାନ ଟ୍ରଫି ହାସଲ କରିଛି ।
ପୂର୍ବରୁ ଅନୁଷ୍ଠିତ ପ୍ରଥମ ମ୍ୟାଚରେ ଜି.ସି.ପି.ଇ ୨-୦ ସେଟ୍ ରେ ରିଜିଓନାଲ୍ ଇନଷ୍ଟିଚ୍ୟୁଟ ଅଫ୍ ଏଜୁକେସନ୍ କୁ ପରାସ୍ତ କରି ଏହାର ବିଜୟ ଅଭିଯାନ ଆରମ୍ଭ କରିଥିଲା। ସେମିଫାଇନାଲ ମ୍ୟାଚରେ ଜି.ସି.ପି.ଇ ଆୟୋଜକ ଏଲ୍. ଏନ୍.ସାହୁ ମହାବିଦ୍ୟାଳୟ, ଜଗତପୁର କୁ ୨-୦ ସେଟ୍ ରେ ପରାସ୍ତ କରି ଫାଇନାଲ ପର୍ଯ୍ୟାୟକୁ ଉନ୍ନୀତ ହୋଇଥିଲା। ଜି.ସି.ପି.ଇ ପକ୍ଷରୁ ଅନୁସୂୟା(ଅଧିନାୟକା), ରୁଚିସ୍ମିତା, ମାମୁନି, କୌଶଲ୍ୟା,ବିଜୟଲକ୍ଷ୍ମୀ, ଜ୍ୟୋତ୍ସ୍ନା, ମାମାଲି,ମଧୁସ୍ମିତା, ସସ୍ମିତା, ଫାଲଗୁନି, ମନୀଷା,ମାଳତୀ ପ୍ରମୁଖ ଖେଳାଳୀଙ୍କ ଭଲ ପ୍ରଦର୍ଶନ ଦଳ ପାଇଁ ସଫଳତା ଆଣି ଦେଇଥିଲା । ଅଧ୍ୟାପିକା ଶ୍ରୀମତୀ ପତ୍ରପୁଷ୍ପା ମହାନ୍ତି ଦଳର ପ୍ରଶିକ୍ଷକ ତଥା ପରିଚାଳକ ଭାବେ ଦାୟିତ୍ୱ ତୁଲାଇଥିଲେ I ମହିଳା ଦଳର ଏହି ସଫଳତା ପାଇଁ ଅଧ୍ୟକ୍ଷା ଶ୍ରୀମତୀ ସଙ୍ଗୀତାରାଣୀ ଟପ୍ପୋ ଖେଳାଳୀମାନଙ୍କୁ ଅଭିନନ୍ଦନ ଜଣାଇଛନ୍ତି।
