ମୁମ୍ବାଇ: ଆଜି ଆଇପିଏଲ୍ର ୪୮ତମ ଲିଗ୍ ମୁକାବିଲାରେ ମୁହାଁମୁହିଁ ହେବେ ପଞ୍ଜାବ କିଙ୍ଗ୍ସ ଓ ଗୁଜରାଟ ଟାଇଟନ୍ସ । ଏହି ମ୍ୟାଚ୍ ଜିତିଲେ ଟାଇଟନ୍ସ ପ୍ରଥମ ଦଳ ଭାବେ ପ୍ଲେ-ଅଫ୍ରେ ପ୍ରବେଶ କରିବ । ଗୁଜୁରାଟ ଏପର୍ଯ୍ୟନ୍ତ ନଅ ମ୍ୟାଚ୍ ମଧ୍ୟରୁ ଆଠଟି ମ୍ୟାଚ ଜିତିଛି। ଗୁଜୁରାଟର ଏହି ଉନ୍ନତ ପ୍ରଦର୍ଶନର କାରଣ ହେଉଛି ପ୍ରତିକୂଳ ପରିସ୍ଥିତିରେ ମଧ୍ୟ ଏକ ଦୃଢ଼ ପ୍ରତ୍ୟାବର୍ତ୍ତନ | ରାହୁଲ ଟିୱାଟିଆ, ଡେଭିଡ ମିଲର, ରସିଦ ଖାନ କିମ୍ବା ଅଧିନାୟକ ହାର୍ଦ୍ଦିକ ପାଣ୍ଡ୍ୟା ପ୍ରମୁଖ ସମସ୍ତେ ଏ ପର୍ଯ୍ୟନ୍ତ ଟୁର୍ନାମେଣ୍ଟରେ ମ୍ୟାଚ ଜିତି ଭଲ ପ୍ରଦର୍ଶନ କରିଛନ୍ତି |
ତେବେ ଆଇପିଏଲ୍ ଇତିହାସରେ କୌଣସି ଦଳ ଆଜି ପର୍ଯ୍ୟନ୍ତ ପ୍ରଥମ ୯ଟି ମ୍ୟାଚ୍ରୁ ୮ଟିରେ ବିଜୟୀ ହୋଇ ନଥିଲା। କେବଳ ଦଳଗତ ପ୍ରଦର୍ଶନ ଓ ପ୍ରତ୍ୟେକ ଖେଳାଳିଙ୍କ ମଧ୍ୟରେ ପରସ୍ପର ପ୍ରତି ଭରସା ଗୁଜରାଟ ଟାଇଟନ୍ସ ବିଜୟର ପ୍ରମୁଖ କାରଣ ସାଜିଛି । ଅନ୍ୟପକ୍ଷେ ଟାଇଟନ୍ସକୁ ହରାଇବାକୁ ହେଲେ ପଞ୍ଜାବ କିଙ୍ଗ୍ସକୁ ଜୋରଦାର ସଂଘର୍ଷ କରିବାକୁ ପଡ଼ିବ । ଦଳରେ ଉନ୍ନତ ମାନର ଖେଳାଳି ଥିବା ସତ୍ୱେ ଦଳ ନିୟମିତ ଭଲ ପ୍ରଦର୍ଶନ କରିବାରେ ବିଫଳ ହୋଇଛି ।
ଦଳର ପ୍ରଦର୍ଶନରେ ପୁନର୍ବାର ସ୍ଥିରତା ଅଭାବ ରହିଛି ଏବଂ ସେମାନେ ଏପର୍ଯ୍ୟନ୍ତ ନଅ ମ୍ୟାଚ ମଧ୍ୟରୁ ପାଞ୍ଚଟି ହାରିଛନ୍ତି। ସେମାନଙ୍କର ଶୀର୍ଷ ବ୍ୟାଟ୍ସମ୍ୟାନ୍, ଅଧିନାୟକ ମୟଙ୍କ ଅଗ୍ରୱାଲ, ଜନି ବେୟାରଷ୍ଟୋ, ଶିଖର ଧାୱନ ଏବଂ ଲାଏମ ଲିଭିଙ୍ଗଷ୍ଟୋନଙ୍କ ଭଲ ପ୍ରଦର୍ଶନ ପରେ ମଧ୍ୟ ଦଳକୁ ନିଜ ଭିତରେ ସ୍ଥିରତା ଆଣିବାକୁ ପଡିବ | ସେହିଭଳି ଲାଏମ ଲିଭିଙ୍ଗଷ୍ଟୋନ ଓ ଜନି ବେୟାରଷ୍ଟୋଙ୍କୁ ମଧ୍ୟ ଭାଗରେ ବିସ୍ଫୋରକ ବ୍ୟାଟିଂ କରିବାକୁ ହେବ । ପୂର୍ବରୁ ଟାଇଟନ୍ସ ଠାରୁ ପରାଜିତ ହୋଇ ସାରିଥିବାରୁ ପଞ୍ଜାବ କିଙ୍ଗ୍ସ ପ୍ରତିଶୋଧ ନେବାକୁ ଚେଷ୍ଟା କରିବ ।
