(ଓଡିଶା ସ୍ପୋର୍ଟ): ବାମହାତୀ ବ୍ୟଟ୍ସ୍ ମ୍ୟାନ୍ ଶ୍ରୀଲଙ୍କା ବିପକ୍ଷରେ ୨୦୧୦ ରେ ଡେବ୍ୟୁ କରିଥିଲେ । କିନ୍ତୁ କୋଲମ୍ବୋରେ ଦୁଇ ଟିମ୍ ମଧ୍ୟରେ ଏହି ମ୍ୟାଚ୍ ଡ୍ର ହୋଇଥିଲା । ଏହି ମ୍ୟାଚ୍ ରେ ରାଇନା ୧୨୦ ରନ୍ କରି ଶତକିୟ ପାରି ଖେଳିଥିଲେ । ଏଥିରେ ସେ ୧୨ ଟି ଚୌକା ଏବଂ ୨ଟି ଛକ୍କା ଲଗାଇଥିଲେ । ସେ ଏଭଳି କରିବାରେ ଭାରତର ୧୨ତମ ଖେଳାଳୀ ହୋଇଥିଲେ । ଟି-୨୦ରେ ଏବଂ ୱାନ୍-ଡେ ବିଶ୍ୱ କପ୍ରେ ଶତକ କରିଥିବା ଏକମାତ୍ର ଭାରତୀୟ ଖେଳାଳୀ ଅଟନ୍ତି, ସେ ଟି-୨୦ ଅନ୍ତଃରାଷ୍ଟ୍ରିୟ କ୍ରିକେଟରେ ଶତକ ଲଗାଇବାରେ ଭାରତର ପ୍ରଥମ ଏବଂ ଦୁନିଆର ତୃତୀୟ ବ୍ୟାଟ୍ସ୍ ମ୍ୟାନ୍ ଅଟନ୍ତି । ଟି-୨୦ ରେ ଶତକ ସଂଗ୍ରହ କରିଥିବା ଖେଳାଳୀଙ୍କ ମଧ୍ୟରେ ପ୍ରଥମ ସ୍ଥାନରେ ଅଛନ୍ତି ୱେଷ୍ଟଇଣ୍ଡିଜର କ୍ରେସ୍ ଗେଲ(୧୧୭), ଯେତେବେଳେ କି ଦ୍ୱିତୀୟ ସ୍ଥାନରେ ରହିଛନ୍ତି ନିୟୁଜଲ୍ୟାଣ୍ଡର ବ୍ରେଣ୍ଡେନ ମେକୁଲମ(୧୧୬ଞ୍ଚ) କାବିଜ୍ । ରୈନା ୨୦୧୦ ରେ ଦକ୍ଷିଣ ଆଫ୍ରିକା ବିପକ୍ଷରେ ୬୦ ବଲ୍ ରେ ୯ଗୋଟି ଚୌକା ଏବଂ ୫ଟି ଛକ୍କା ସାହାଯ୍ୟରେ ୧୦୧ ରନ୍ ଝଡର ପାରି ଖେଳିଥିଲେ । ରାଇନା ୧୯୮୬ ନଭେମ୍ବର ୨୭ ତାରିଖରେ ଜନ୍ମଗ୍ରହଣ କରିଥିଲେ ।
୨୦୦୫ ମସିହାରେ ଶ୍ରୀଲଙ୍କା ବିପକ୍ଷରେ ୱନ୍-ଡେ ଇଣ୍ଟରନ୍ୟାସନାଲ୍ ରେ ଡେବ୍ୟୁ କରିଥିବା ରୈନା ଶୂନରେ ଆଉଟ୍ ହୋଇଥିଲେ । ତାଙ୍କୁ ଶ୍ରୀଲଙ୍କାର ଦିଗ୍ଗଜ ବୋଲର ମୁଥେୟା ମୁରଲିଧରନ୍ ଏଲବିଡବ୍ଲୁ ରେ ଆଉୁଟ କରିଥିଲେ । ଦମ୍ବୁଲାରେ ଖେଳାଯାଇଥିବା ଏହି ମ୍ୟାଚ୍ରେ ଟିମ୍ ଇଣ୍ଡିଆକୁ ହାରିବାକୁ ପଡିଥିଲା । ଆଇପିଏଲ୍ ରେ ସର୍ବାଧିକ ରନ୍ ସଂଗ୍ରହ କରିବାର ଶ୍ରେୟ ସୁରେଶ ରୈନାଙ୍କୁ ଯାଉଛି । ସେ ୧୭୬ ମ୍ୟାଚ୍ ରେ ୧୭୨ ପାରି ଖେଳି ୪୯୮୫ ରନ୍ ସଂଗ୍ରହ କରିଛନ୍ତି । ଦ୍ୱିତୀୟ ସ୍ଥାନରେ ବିରାଟ କୋହଲି (୪୯୪୮), ତୃତୀୟ ସ୍ଥାନରେ ରୋହିତ ଶର୍ମା(୪୪୯୩)ରନ୍ ସହିତ ରହିଛନ୍ତି । ସୁରେଶ ରୈନା ଟିମ୍ ଇଣ୍ଡିଆ ପାଇଁ ୧୮ ଟେଷ୍ଟ୍, ୨୨୬ ୱାନ୍-ଡେ ଏବଂ ୭୮ ଟି-୨୦ ମ୍ୟାଚ୍ ଖେଳିଛନ୍ତି । ଟେଷ୍ଟ୍ ରେ ୭୬୮, ୱାନ୍-ଡେ ରେ ୫୬୧୫ ଏବଂ ଟି-୨୦ରେ ୧୬୦୪ ରନ୍ ନିଜ ନାମରେ କରିଥିଲେ ।
