ଏସୀୟ କବାଡ଼ି ପ୍ରତିଯୋଗିତାରେ ୬ ପଏଣ୍ଟ ହାସଲ କରି ଶୀର୍ଷରେ ଭାରତ

ବୁସାନ: ଚଳିତ ଏସୀୟ କବାଡ଼ି ଚାମ୍ପିଅନ୍ସିପରେ ଭାରତ ବିଜୟ ଧାରା ଜାରି ରଖିଛି। ଆୟୋଜକ ଦକ୍ଷିଣ କୋରିଆ ଏବଂ ଚାଇନିଜ୍ ତାଇପେକୁ ପ୍ରଥମ ଦିନରେ ହରାଇ ଭାରତ ଜାପାନକୁ ୬୨-୧୭ରେ ମାତ୍ ଦେଇଛି। ଫଳରେ ଭାରତ ୩ରୁ ୩ ବିଜୟ ସହ ୬ ପଏଣ୍ଟ ପାଇ ପ୍ରତିଯୋଗିତା ଟେବୁଲର ଶୀର୍ଷରେ ରହିଛି। ଭାରତ ପରବର୍ତ୍ତୀ ମ୍ୟାଚ୍ରେ ଗୁରୁବାର ଟେବୁଲର ଦ୍ବିତୀୟ ସ୍ଥାନରେ ଥିବା ଇରାନ (୬ ପଏଣ୍ଟ)କୁ ଭେଟିବ। ସୂଚନାଯୋଗ୍ୟ ଯେ ଭାରତ ଏହି ପ୍ରତିଯୋଗିତାରେ ୭ ଥର ବିଜେତା ହୋଇଛି।