ଭୁବନେଶ୍ୱର: କଳିଙ୍ଗ ଷ୍ଟାଡିଅମରେ ଖେଳାଯାଇଥିବା ମ୍ୟାଚରେ ଭାରତକୁ ବଡ ସଫଳତା ।ୠଓଐ ପ୍ରୋ ଲିଗ୍ ହକି ମ୍ୟାଚରେ ଭାରତ ୭-୪ ଗୋଲରେ ନ୍ୟୁଜିଲାଣ୍ଡକୁ ମାତ୍ ଦେଇଛି । ପ୍ରଥମ କ୍ୱାର୍ଟରରେ ନ୍ୟୁଜିଲାଣ୍ଡ ଭାରତ ବିପକ୍ଷରେ ୩-୧ରେ ଆଗୁଆ ରହିଥିଲା ।ମ୍ୟାଚ ଆରମ୍ଭରୁ ନ୍ୟୁଜିଲାଣ୍ଡ ଭାରତ ଉପରେ ଭାରି ପଡିଥିଲା । ମାତ୍ର କିଛି ସମୟ ପରେ ଭାରତ ଦମଦାର ଫର୍ମକୁ ଫେରିଥିଲା । ଶେଷରେ ଭାରତ ବିଜୟ ହାସଲ କରିଥିଲା । ଭାରତ ଚଳିତ ପ୍ରୋ ଲିଗ୍ ମ୍ୟାଚରେ ନ୍ୟୁଜିଲାଣ୍ଡ ବିପକ୍ଷରେ ଦ୍ୱିତୀୟ ବିଜୟ ହାସଲ କରିଛି ।
ସୂଚନାମୁତାବକ, ଗତ ସପ୍ତାହରେ କଳିଙ୍ଗ ଷ୍ଟାଡିୟମ୍ରେ ଅନୁଷ୍ଠିତ ଉଦ୍ଘାଟନୀ ମ୍ୟାଚ୍ରେ ଭାରତ ୪-୩ରେ ନ୍ୟୁଜିଲାଣ୍ଡକୁ ପରାସ୍ତ କରି ଅଭିଯାନ ଆରମ୍ଭ କରିଥଥିଲା । କିନ୍ତୁ ପରବର୍ତ୍ତୀ ମ୍ୟାଚ୍ରେ ସ୍ପେନ୍ ନିକଟରୁ ୩-୪ରେ ପରାସ୍ତ ହୋଇଥିଲା ଭାରତ । ତେବେ ଆସନ୍ତା ୬ରେ ପୁଣି ଭାରତ-ସ୍ପେନ୍ ମଧ୍ୟରେ ମ୍ୟାଚ ଅନୁଷ୍ଠିତ ହେବ । ଯାହକୁ ନେଇ ଖୁବ୍ ଆଶାବଦୀ ରହିଛନ୍ତି ଭାରତୀୟ ହକିପ୍ରେମି । ଭାରତ ବର୍ତ୍ତମାନ ଭଲ ଫର୍ମରେ ରହିଛି । ଆଗାମୀ ମ୍ୟାଚରେ ମଧ୍ୟ ଭାରତ ଭଲ ପ୍ରର୍ଦଶନ କରି ସ୍ପେନକୁ କଡା ଜବାଦ ଦେବ ବୋଲି ଆଶା କରାଯାଉଛି ।
