ଟୋକିଓ: ଜାପାନ ଓପନ ସୁପର ୭୫୦ ବ୍ୟାଡମିଣ୍ଟନ ପ୍ରତିଯୋଗିତାର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି ଭାରତୀୟ ୩ ଖେଳାଳି । ସେଥି ମଧ୍ୟରେ ସଟଲର ଏଚଏସ ପ୍ରଣୟ ଓ ଲକ୍ଷ୍ୟ ସେନଙ୍କ ସହ ସାତ୍ୱିକସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀ ଯୋଡି ରହିଛନ୍ତି । ଗତକାଲି ହୋଇଥିବା ଏକକ ମୁକାବିଲାରେ ପ୍ରଣୟ ନିଜ ଦେଶର କିଦାମ୍ବି ଶ୍ରୀକାନ୍ତଙ୍କୁ ୧୯-୨୧,୨୧-୯ ଓ ୨୧-୯ରେ ପରାସ୍ତ କରିଥିଲେ । ସେହିପରି ୨୧ ବର୍ଷୀୟ ବର୍ମିଂହା ରାଜ୍ୟଗୋଷ୍ଠି କ୍ରୀଡା ସ୍ୱର୍ଣ୍ଣ ବିଜେତା ଲକ୍ଷ୍ୟରେ ସ୍ଥାନୀୟ ଖେଳାଳି କଣ୍ଟା ଟିସୁନେୟାମାଙ୍କୁ ହରାଇଥିଲେ । ଭାରତୀୟ ପୁରୁଷ ଯୁଗଳ ଯୋଡ଼ି ସାତ୍ବିକ-ଚିରାଗ ୨୧-୧୭, ୨୧-୧୧ରେ ଡେନ୍ମାର୍କ ଯୋଡ଼ି ଲାସି ମୋଲହେଦେ ଓ ଜେପ ବେ’ଙ୍କୁ ମାତ୍ ଦେଇଥିଲେ। ତେବେ ଭାରତୀୟ ମହିଳା ଯୁଗଳ ଯୋଡ଼ି ଗାୟତ୍ରୀ ଗୋପୀଚାନ୍ଦ ଓ ତ୍ରିଶା ଜଲି , ନାମି ମସୁୟାମା ଓ ଚିରାରୁ ସିଦାଙ୍କଠୁ ହାରି ବିଦାୟ ନେଇଛନ୍ତି।
