ମୁମ୍ବାଇ : ଚଳିତ ମ୍ୟାଚରେ ଲଗାତାର ୪ ଥର ପରାଜୟ ବରଣ କଲାଣି ଚେନ୍ନାଇ ସୁପର କିଙ୍ଗ୍ସ । ସଫଳତା ପାହାଚରେ ଚାଲୁଥିବା ଏହି ଦଳକୁ ଶନିବାର ଦିନ ସନରାଜର୍ସ ହାଇଦ୍ରାବାଦ ୮ ୱିକେଟରେ ହରାଇ ଦେଇଛି । ଅନ୍ୟ ପଟେ ପ୍ରଥମ ବିଜୟ ସହ ଖାତା ଖୋଲିଛି ୱିଲିୟମସନ୍ଙ୍କ ଦଳ ।
ସେହିପରି ଆଇପିଏଲରେ ସଫଳତମ ଦଳ ମୁମ୍ବାଇ ଇଣ୍ଡିଆନ୍ସ ଚଳିତ ବର୍ଷ ଗୋଟିଏ ପରେ ଗୋଟିଏ ମ୍ୟାଚ ହାରିଚାଲିଛି । ପ୍ରଥମ ତିନିଟି ମ୍ୟାଚ୍ ହାରି ଆଲୋଡ଼ା ହ୍ୟାଟ୍ରିକ୍ କରିଥିବା ରୋହିତ ଶର୍ମାଙ୍କ ନେତୃତ୍ବାଧୀନ ଏହି ଦଳ ଶନିବାର ରାତିରେ ଖେଳିଥିବା ରୟାଲ ଚାଲେଞ୍ଜର୍ସ ବାଙ୍ଗାଲୋର (ଆର୍ସିବି) ବିପକ୍ଷ ଚତୁର୍ଥ ମ୍ୟାଚ୍କୁ ବି ଦୁର୍ଭାଗ୍ୟଜନକ ଭାବେ ୭ ୱିକେଟ୍ରେ ହାରିଯାଇଛି। ଫଳରେ ଗତଥର ବିଜେତା ଚେନ୍ନାଇ ସୁପରକିଙ୍ଗ୍ସ ସହ ଦ୍ବିତୀୟ ଦଳ ଭାବେ ଲଗାତାର ଚାରିଟି ପରାଜୟ ବରଣ କରି ଏପର୍ୟ୍ୟନ୍ତ ପଏଣ୍ଟ ଖାତା ଖୋଲିବାକୁ ସକ୍ଷମ ହୋଇନି।
