ଦକ୍ଷିଣ ଆଫ୍ରିକା-ଭାରତ ମଧ୍ୟରେ ଚାଲିଛି ଟେଷ୍ଟ ସିରିଜ୍ । ବୁଧବାରଠୁ କେପ୍ଟାଉନ୍ ଗ୍ରାଉଣ୍ଡରେ ଚାଲିଛି ସିରିଜ୍ର ୨ୟ ମ୍ୟାଚ୍ । ଏହି ମ୍ୟାଚ୍ରେ ଅନେକ ରୋମାଞ୍ଚକର ଘଟଣା ଦେଖିବାକୁ ମିଳିଛି । ଗୋଟିଏ ଦିନରେ ୨୩ଟି ଓ୍ୱିକେଟ୍ର ପତନ ହୋଇଥିବା ବେଳେ ବୋଲରଙ୍କ ଦବ୍ଦବା ଦେଖିବାକୁ ମିଳିଛି । ସେହିପରି ଆଉ ଏକ ମଜାଳିଆ ଦୃଶ୍ୟ ଦେଖିବାକୁ ମିଳିଛି । ତେବେ ଆସନ୍ତୁ ଜାଣିବା କଣ ଏହି ଘଟଣାଟ୍ଟ
ମ୍ୟାଚ୍ରେ ଆଫ୍ରିକା ଟିମ୍ର ଅଧିନାୟକ ଡିନ୍ ଏଲ୍ଗାର ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ଯେଉଁଥିରେ ପୁରା ଟିମ୍ ୫୫ ରନ୍ରେ ଅଲ୍ଆଉଟ୍ ହୋଇଯାଇଥିଲା । ତେବେ ଟିମ୍ର ୩୪ ରନ୍ରେ ୬ଓ୍ୱିକେଟ୍ ହରାଇଥିଲା । ଯାହାଫଳରେ ବ୍ୟାଟିଂ କରିବାକୁ ପଡିଆକୁ ଆସିଥିଲେ ଦକ୍ଷିଣ ଆଫ୍ରିକାର ଅଲ୍ରାଉଣ୍ଡର କେଶବ ମହାରାଜ । ଆଉ ଏହି ସମୟରେ ପଡିଆରେ ବାଜିଥିଲା ଗୀତ ରାମ୍.. ସିୟା.. ରାମ୍ଟ୍ଟ। ସ୍ଲିପ୍ରେ ଫିଲ୍ଡିଂ କରୁଥିବା ବିରାଟଙ୍କ ମଜାଳିଆ ଅନ୍ଦାଜରେ ଦେଖିବାକୁ ମିଳିଥିଲା । ରାମ୍ଟ୍ଟ ସିୟା.. ରାମ୍ ଗୀତ ବାଜୁଥିବା ବେଳେ ବିରାଟ କୋହଲି ଧନୁଷ ଭିଡୁଥିବାର ରିଆକ୍ସନ ଦେଇଥିଲେ । ଯାହାଫଳରେ ପଡିଆରେ ଉପସ୍ଥିତ ଥିବା ସମସ୍ତେ ବିରାଟଙ୍କୁ ଦେଖିଥିଲେ । କୋହଲିଙ୍କର ଏହି ଭିଡିଓ ସୋସିଆଲ୍ ମିଡିଆରେ ଖୁବ୍ ଭାଇରାଲ ହେବାର ଲାଗିଛି ।
ସୂଚନାଯୋଗ୍ୟ ଯେ, ୨ୟ ଟେଷ୍ଟ ମ୍ୟାଚ୍ରେ ଟସ୍ ଜିତିଥିଲା ଦକ୍ଷିଣ ଆଫ୍ରିକା ଟିମ୍ । ପ୍ରଥମ ବ୍ୟାଟିଂ କରିବାକୁ ନେଇଥିଲା ନିଷ୍ପତ୍ତି । ହେଲେ ଏହି ନିଷ୍ପତ୍ତି ଟିମ୍ ପାଇଁ ପଡିଲା ଭାରି । ମାତ୍ର ୫୫ ରନ୍ରେ ପୁରା ଟିମ୍ ଅଲ୍ଆଉଟ୍ ହୋଇଯାଇଥିଲା । ଜବାବରେ ଭାରତୀୟ ଟିମ୍ ବ୍ୟାଟିଂ କରିବାକୁ ଓହ୍ଲାଇଥିଲା । ହେଲେ ଭାରତୀୟ ବ୍ୟାଟର୍ ବି ଅଧିକ ସମୟ ଯାଏଁ କ୍ରିଜ୍ରେ ତିଷ୍ଠି ପାରିନଥିଲେ । ମାତ୍ର ୧୫୩ ରନ୍ରେ ଅଲ୍ଆଉଟ୍ ହୋଇଯାଇଥିଲା । ଏହାପରେ ୨ୟ ଇନିଂସରେ ବି ଦକ୍ଷିଣ ଆଫ୍ରିକା ୩ଟି ଓ୍ୱିକେଟ୍ ହରାଇଛି । ଗୁରୁବାର ୨ୟ ଦିନର ଖେଳ ଆରମ୍ଭ କରିବ ଦକ୍ଷିଣ ଆଫ୍ରିକା ।
