ନୂଆଦିଲ୍ଲୀ: ଗୋଟିଏ ଯୁଗର ଘଟିଲା ଅବସାନ । କ୍ରିକେଟ ଜଗତରୁ ବିଦାୟ ନେଲେ ଶ୍ରୀଲଙ୍କାର ଆଉ ଜଣେ ଷ୍ଟାର ବୋଲର । ବିଶ୍ୱ କ୍ରିକେଟରେ ୟର୍କର କିଙ୍ଗ ଭାବେ ପରିଚିତ ଲାସିଥ ମାଲିଙ୍ଗା କ୍ରିକେଟକୁ ଅଲବିଦା କହିଛନ୍ତି । କ୍ରିକେଟର ସମସ୍ତ ଫର୍ମାଟରୁ ନିଜକୁ ଦୂରେଇ ଦେଇଛନ୍ତି ଏହି ଷ୍ଟାର ଖେଳାଳୀ । ପୂର୍ବରୁ ୨୦୧୧ରେ ଟେଷ୍ଟ ଏବଂ ୨୦୧୯ରେ ଦିନିକିଆ ମ୍ୟାଚରୁ ବିଶ୍ରାମ ନେଇଥିଲେ ମାଲିଙ୍ଗା । ତେବେ କେବଳ ଟି-ଟ୍ୱେଣ୍ଟିରେ ତାଙ୍କର ଜଲୱା ଦେଖିବାକୁ ମିଳୁଥିଲା । ଆଜି ଟି-ଟ୍ୱେଣ୍ଟି କ୍ରିକେଟରୁ ମଧ୍ୟ ନିଜକୁ ଦୂରେଇ ଦେଇଛନ୍ତି ସେ । ଏହାଦ୍ୱାରା ତାଙ୍କର ୧୭ ବର୍ଷର ଲମ୍ବା କ୍ୟାରିୟରରେ ପୂର୍ଣ୍ଣ ବିରାମ ଲାଗିିଛି । ଆନ୍ତର୍ଜାତୀୟ କ୍ରିକେଟରେ ତାଙ୍କ ନାମରେ ରହିଛି ମୋଟ ୫୪୬ ୱିକେଟ । ଏଥିମଧ୍ୟରେ ୧୦୦ଟି ୱିକେଟ ସେ କେବଳ ଟି-ଟ୍ୱେଣ୍ଟିରେ ହିଁ ହାସଲ କରିଥିଲେ । ଟ-ଟ୍ୱେଣ୍ଟିରେ ୧୦୭ଟି ୱିକେଟ ନେଇଥିବା ବେଳେ ୧୦୦ ୱିକେଟ ନେବାରେ ସେ ପ୍ରଥମ ବୋଲର ହୋଇଥିଲେ । ଟ୍ୱିଟ ଯୋଗେ ମାଲିଙ୍ଗା ନିଜେ ଏ ନେଇ ସୂଚନା ଦେଇଛନ୍ତିି ।
Hanging up my #T20 shoes and #retiring from all forms of cricket! Thankful to all those who supported me in my journey, and looking forward to sharing my experience with young cricketers in the years to come.https://t.co/JgGWhETRwm #LasithMalinga #Ninety9
— Lasith Malinga (@ninety9sl) September 14, 2021
ଆଜି ମୋ ପାଇଁ ଏକ ସ୍ୱତନ୍ତ୍ର ଦିନ । ମୋ ଜେ।ତ।କୁ ଆଜିଠାରୁ ଶତ ପ୍ରତିଶତ ବିରାମ ଦେବା ପାଇଁ ମୁଁ ନିଷ୍ପତ୍ତି ନେଇଛି । କିନ୍ତୁ କ୍ରିକେଟ ପ୍ରତି ଥିବା ମୋର ଭଲ ପାଇବାକୁ ମୁଁ କେବେ ବିଶ୍ରାମ ଦେଇପାରିବି ନାହିଁ । ଟି-ଟ୍ୱେଣ୍ଟି କ୍ୟାରିୟରରେମୋତେ ସମର୍ଥନ କରିଥିବା ପ୍ରତ୍ୟେକଙ୍କୁ ମୋର ଧନ୍ୟବାଦ । ଏମିତି ଏକ ଇମୋଶନାଲ ପୋଷ୍ଟ କରି ସେ କ୍ରିକେଟ ଜଗତରୁ ଅବସର ଘୋଷଣା କରିଛନ୍ତି । ଏହାସହ ଆଗକୁ ଯୁବ କ୍ରିକେଟରଙ୍କ ସହ ଅଭିଜ୍ଞତା ବାଣ୍ଟିବା ପାଇଁ ଚାହୁଁତିବା ସେ ଟ୍ୱିଟ କରିଛନ୍ତି ।
