ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୬ ପାଇଁ ଆବୁଧାବିର ଏତିହାଦ ଆରେନାରେ ମିନି-ଅକ୍ସନ ଆରମ୍ଭ ହୋଇଛି । ନିଲାମ ତାଲିକାରେ ୩୬୯ ଖେଳାଳି ରହିଥିବା ବେଳେ ୭୭ ଟି ସ୍ଲଟ୍ ଖାଲି ରହିଛି । ମିନି ନିଲାମରେ ଅଷ୍ଟ୍ରେଲିଆର କ୍ୟାମେରନ୍ ଗ୍ରୀନଙ୍କ ଉପରେ ହୋଇଛି ଟଙ୍କା ବର୍ଷା । ସେ ଆଇପିଏଲ୍ ୨୦୨୬ ଇତିହାସରେ ସବୁଠୁ ଦାମୀ ଖେଳାଳିଙ୍କ ତାଲିକାରେ ସାମିଲ୍ ହୋଇଛନ୍ତି । କୋଲକାତା ନାଇଟ୍ ରାଇଡର୍ସ ୨୫.୨୦ କୋଟିରେ ତାଙ୍କୁ କିଣିଛି । ଯେଉଁଠି କ୍ୟାମେରୁନ୍ ଗ୍ରୀନ୍ ଅକ୍ସନ୍ ଇତିହାସର ସବୁଠୁ ଦାମୀ ବିଦେଶୀ ଖେଳାଳି ଭାବେ ବିକ୍ରି ହୋଇଛନ୍ତି, ଅନ୍ୟପଟେ ଅନେକ ନାମୀଦାମୀ ଖେଳାଳି ଅନସୋଲ୍ଡ ରହିଯାଇଛନ୍ତି ଯେଉଁମାନଙ୍କୁ କିଣିବା ପାଇଁ ପ୍ରାଞ୍ଚାଇଜ ଆଗ୍ରହ ପ୍ରକାଶ କରି ନାହାନ୍ତି ।
ଏହି କ୍ରମରେ ଦମଦାର ଫର୍ମରେ ଥିବା ଭାରତୀୟ ବ୍ୟାଟର ସରଫରାଜ ଖାନ୍ ମଧ୍ୟ ବିକ୍ରି ହୋଇ ନାହାନ୍ତି । ପୃଥ୍ୱୀ ଶା ବି ଏହି ତାଲିକାରୁ ବାଦ୍ ପଡ଼ିଛନ୍ତି । ସେହିପରି ଲିଆମ୍ ଲିଭିଙ୍ଗଷ୍ଟୋନ ମିନି ନିଲାମରେ ବହୁ ଟଙ୍କାରେ ବିକ୍ରି ହେବେ ବୋଲି ଅନୁମାନ କରାଯାଉଥିଲା କିନ୍ତୁ ତାହା ଭୁଲ୍ ସାବ୍ୟସ୍ତ ହୋଇଛି । ମିନି ନିଲାମର ପ୍ରଥମ ରାଉଣ୍ଡରେ ଲିଭିଙ୍ଗଷ୍ଟୋନଙ୍କୁ କିଣିବା ପାଇଁ କୌଣସି ଦଳ ଆଗ୍ରହ ପ୍ରକାଶ କରିନାହାନ୍ତି । ଡେଭନ କନୱେ, ରଚିନ ରବିନ୍ଦ୍ର ଏବଂ ଇଂଲଣ୍ଡର କିମ୍ବଦନ୍ତୀ ବ୍ୟାଟର ଜନି ବେୟାରଷ୍ଟୋ ମଧ୍ୟ ବିକ୍ରି ହୋଇନଥିଲେ।
