ନିରଜ ଚୋପ୍ରା ଲୁସେନରେ ଡାଇମଣ୍ଡ ଲିଗ୍ ଜିତିବାପରେ ସାରା ଦେଶରୁ ତାଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ନିଜ କ୍ୟାରିୟରରେ ସେ ଡାଇମଣ୍ଡ ଲିଗ ଜିତିବା ସହ ଅଲିମ୍ପିକ୍ ଚାମ୍ପିୟନ ମଧ୍ୟ ହୋଇସାରିଛନ୍ତି । ବର୍ତ୍ତମାନ ସେ ବିଶ୍ୱ ଚାମ୍ପିୟନ ହେବା ବାକି ରହିଛି । ନିଜର ଅଧୁରା ସ୍ୱପ୍ନକୁ ପୂରଣ କରିବା ପାଇଁ ସେ ବହୁତ ବଡ ତ୍ୟାଗ କରିବାକୁ ଯାଉଛନ୍ତି । ଏଥିପାଇଁ ସେ କିଛି ବଡ ନିଷ୍ପତ୍ତି ନେଇଛନ୍ତି ।
ବିଶ୍ୱ ଚାମ୍ପିୟନସିପ୍ ପୂର୍ବରୁ ସେ ପଡିଆକୁ ଓହ୍ଲାଇବେ ନାହିଁ । ଅଗଷ୍ଟ ୧୯ ତାରିଖରୁରୁ ୨୭ ତାରିଖ ଯାଏ ବୁଦାପେଷ୍ଟରେ ବିଶ୍ୱ ଆଥଲେଟିକ୍ସ ଚାମ୍ପିୟନସିପରେ ସେ ସିଧାସଳଖ ଖେଳିବେ । ଏହା ପୂର୍ବରୁ ଆଉ କୌଣସି ପ୍ରତିଯୋଗିତାରେ ସେ ଅଂଶଗ୍ରହଣ କରିବେ ନାହିଁ । ଆହତ ସମସ୍ୟାରୁ ଫେରିବା ପରେ ସେ ଲୁସେନରେ ବିଜୟୀ ହୋଇଥିଲେ । ସେ ୮୭.୬୬ ମିଟର ଦୂରକୁ ଜାଭଲେନ୍ ଫୋପାଡି ବିଜୟୀ ହୋଇଛନ୍ତି । ଏହି ସମୟରେ ସେ ସମ୍ପୂର୍ଣ୍ଣ ଫିଟ ନଥାଇ ମଧ୍ୟ ସଫଳତା ପାଇଛନ୍ତି ।
