BCCI ନିର୍ଦ୍ଦେଶ ଦେଇଥିଲା । କିନ୍ତୁ ନିର୍ଦ୍ଦେଶକୁ, ଫୁ କରି ଉଡାଇଦେଲେ ହାର୍ଦ୍ଦିକ ପାଣ୍ଡ୍ୟା ! ଯାହାକୁ ନେଇ ବିସିସିଆଇ ପାଖରେ ପାଣ୍ଡ୍ୟାଙ୍କୁ କୈଫତ ବି ଦେବାକୁ ପଡ଼ିପାରେ ବୋଲି ଶୁଣିବାକୁ ମିଳୁଛି । ବର୍ତ୍ତମାନ ବିଜୟ ହଜାରେ ଟ୍ରଫି ଚାଲିଛି । ଚଣ୍ଡିଗଡ଼ ବିପକ୍ଷରେ ପାଣ୍ଡ୍ୟାଙ୍କ ଧୂଆଁଧାର ବ୍ୟାଟିଂ ବଳରେ ବରୋଦା ୩୯୧ ରନ୍ କରିଥିଲା । ଯାହାର ଜବାବରେ ଚଣ୍ଡିଗଡ଼ ୨୪୨ ରନ୍ କରିବାକୁ ସକ୍ଷମ ହୋଇଥିଲା । ଏହି ମ୍ୟାଚରେ ପାଣ୍ଡ୍ୟା ୩୧ ବଲ ଖେଳି ୭୫ ରନ୍ କରିଥିଲେ । ଏଥିରେ ୯ଟି ଛକା ଓ ୨ଟି ଚୌକା ଥିଲା । ମ୍ୟାଚରେ ତାଙ୍କ ଷ୍ଟ୍ରାଇକ ରେଟ୍ ୨୪୦ରୁ ଅଧିକ ଥିଲା । ହେଲେ ଏହାପରେ ପାଣ୍ଡ୍ୟା ପଡ଼ିଆରେ ଏମିତି କିଛି କରିଛନ୍ତି, ଯେଉଁଥି ପାଇଁ ତାଙ୍କୁ ବିସିସିଆଇର ଅନୁମତି ନଥିଲା ।
ଦମଦାର୍ ବାଟିଂରେ ପରେ, ବୋଲିଂ କରିବାକୁ ପାଣ୍ଡ୍ୟା ଆସିଥିଲେ । ଏବଂ କୋଟାର ପୂରା ୧୦ ଓଭର ବୋଲିଂ କରିଦେଲେ । ୧୦ ଓଭାରରେ ୬୬ ରନ୍ ଦେଇ ୩ଟି ଓ୍ବେକେଟ ବି ନେଲେ । ହେଲେ ଖବର ଅନୁସାରେ ପାଣ୍ଡ୍ୟାଙ୍କୁ ବିସିସିଆଇ ସିଓଇ ବୋଲିଂ ଅନୁମତି ଦେଇ ନଥିଲେ । ନ୍ୟୁଜିଲାଣ୍ଡ ବିପକ୍ଷ ସିରିଜ ପାଇଁ ଦଳ ଘୋଷଣା ବେଳେ ବିସିସିଆଇ ଟ୍ବିଟ କରି ସୂଚନା ଦେଇଥିଲା ପାଣ୍ଡ୍ୟା ୧୦ ଓଭର ବୋଲିଂ କରିବାକୁ ଫିଟ୍ ନାହାନ୍ତି । ହେଲେ ବିଜୟ ହଜାରେ ଟ୍ରଫିରେ ସେ ୧୦ ଓଭର ବୋଲିଂ କରିଦେଲେ । ଆଗାମୀ ଟି-୨୦ ବିଶ୍ବକପ ପାଇଁ ପାଣ୍ଡ୍ୟା ଯେମିତି କୌଣସି ଆଘାତ ସମସ୍ୟାରେ ତି ନପଡ଼ନ୍ତି ତା’ଉପରେ ବିସିସିଆଇ ନଜର ରଖିଛି । ହେଲେ ବିଜୟ ହଜାରେ ଟ୍ରଫିରେ ସେ ସବୁ ନିର୍ଦ୍ଦେଶକୁ ଫୁ କରି ୧୦ ଓଭର ବୋଲିଂ କରିଦେଇଛନ୍ତି । ଯାହାକୁ ନେଇ ବିସିସିଆଇ ପାଖରେ ତାଙ୍କୁ କୈଫତ ବି ଦେବାକୁ ପଡ଼ିପାରେ । ଏପରି ବି କୁହାଯାଉଛି, ଏଥିପାଇଁ ବୋଧେ ସେ ବିସିସିଆଇର ଅନୁମତି ବି ନେଇଥାଇ ପାରନ୍ତି ।
