ଶୁଭମନଙ୍କ ଛକାରେ ଖୁସିରେ ଝୁମିଲେ ମୁମ୍ବାଇ ଟିମ

କ୍ରିକେଟ ଏମିତି ଏକ ଖେଳ ତେବେଳେ କଣ ହବ ତାହା ଜଣାନାହିଁ । ନିଜ ଖେଳ ଠାରୁ ଅନ୍ୟ କେଳ ଉପରେ ନଜର ଥାଏ । ଆଇପିଏଲ ଶେଷ ମ୍ୟାଚରେ ଏହିପରି କିଛି ଦୃଶ୍ୟ ଦେଖିବାକୁ ମିଳିଛି । ଗତ କାଲି ଶେଷ ଲିଗ୍ରେ ଗୁଜରାଟ୍ ଟାଇଟନ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୬ ୱିକେଟ୍ରେ ହରାଇ ପ୍ଲେଅଫ୍ ରେସ୍ରୁ ବାଙ୍ଗାଲୋରକୁ ବିଦା କରିଦେଇଛି।। ସେହିପରି ସନ୍ ରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସ ୮ ୱିକେଟ୍ ରେ ବିଜୟୀ ହୋଇଛି।
ବାଙ୍ଗାଲୋର ପ୍ରଥମେ ବ୍ୟାଟିଂ କରି ବିରାଟ କୋହଲିଙ୍କ ଶତକ ବଳରେ ଗୁଜରାଟ ଆଗରେ ୧୯୮ ରନ୍ର ବିଜୟ ଲକ୍ଷ୍ୟ ରଖିଥିଲା। ତେବେ ଶୁବମନ୍ ଗିଲ୍ଙ୍କ ଶତକୀୟ ଇନିଂସ ବଳରେ ମାତ୍ର ୪ ୱିକେଟ୍ ହରାଇ ଗୁଜରାଟ ବିଜୟ ଲକ୍ଷ୍ୟ ହାସଲ କରି ନେଇଥିଲା ।
ଯଦି ବାଙ୍ଗଲୋର ଜିତି ଥାନ୍ତା ତେବେ ଭଲ ରନରେଟ ଯୋଗୁ ପ୍ଲେଅଫକୁ ଯାଇଥାନ୍ତେ ଆରସିବି । ଏହାକୁ ଧୂଳିସାତ କରିଛି ଶୁଭମନ ଗିଲ । ଯେତେବେଳେ ଶୁବମନ୍ ଗିଲ୍ ୨୦ ଓଭରର ପ୍ରଥମ ବଲ୍ରେ ଛକା ମାରି ଶତକ ହାସଲ କରିଥିଲେ, ଏହି ସମୟରେ ହୋଟେଲରେ ବସି ମ୍ୟାଚ୍ ଦେଖୁଥିବା ମୁମ୍ବାଇ ଟିମ୍ର ଖେଳାଳି ଖୁସିରେ ଝୁମିଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।