କଲମ୍ବୋରେ ବର୍ଷା ହେବା ନେଇ, ପାଣିପାଗ ବିଭାଗ ସତର୍କତା ଜାରି କରିଛି । ଯାହାପରେ ଏବେ ୧୫ ଫେବ୍ରୁଆରୀରେ ହେବାକୁ ଥିବା ଟି-୨୦ ବିଶ୍ୱ କପରେ ଭାରତ-ପାକିସ୍ତାନ ମ୍ୟାଚରେ ବାଧକ ସାଜିପାରେ ବର୍ଷା ବୋଲି ଅନୁମାନ କରାଯାଉଛି। ଫେବ୍ରୁଆରୀ ୧୪ରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏକ ନିମ୍ନ ଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ଅଛି ଏବଂ ୧୫-୧୬ ସୁଦ୍ଧା ସାମୁଦ୍ରିକ ଝଡ଼ରେ ପରିଣତ ହୋଇପାରେ । ତେଣୁ ଫେବ୍ରୁଆରୀ ୧୬ରୁ ୧୯ ତାରିଖ ମଧ୍ୟରେ ଶ୍ରୀଲଙ୍କାରେ ପ୍ରବଳ ବର୍ଷା ହେବାର ସମ୍ଭାବନା ଅଛି । ଏପରି ବନ୍ୟାର ଆଶଂକା ମଧ୍ୟ କରାଯାଉଛି । ତେବେ ଏହିଭଳି ପରିସ୍ଥିତି, ଭାରତ-ପାକିସ୍ତାନ ମ୍ୟାଚ୍ ଉପରେ ମଧ୍ୟ ପ୍ରଭାବ ପକାଇପାରେ ।
