ନୂଆଦିଲ୍ଲୀ: ଆଜି ଟେଷ୍ଟ, ଦିନିକିଆ ଏବଂ ଟି-୨୦ ରାଙ୍କିଂ ର ବାର୍ଷିକ ଅପଡେଟ୍ ଜାରି କରିଛି ଅନ୍ତରାଷ୍ଟ୍ରୀୟ କ୍ରିକେଟ୍ ପରିଷଦ । ଆଇସିସିର ସଦ୍ୟ ତମ ରାଙ୍କିଂ ଟେଷ୍ଟରେ ନମ୍ୱର -୧ ସ୍ଥାନ ହରାଇଛି ଭାରତ । ୱାର୍ଲଡ ଟେଷ୍ଟ ଚାମ୍ପିୟନଶିପ ୨୦୨୧-୨୩ ଫାଇନାଲରେ ଭାରତକୁ ହରାଇଥିବା ଅଷ୍ଟ୍ରେଲିଆ ଟିମ୍ ଏବେ ଟେଷ୍ଟ ରାଙ୍କିରେ ଏକ ନମ୍ୱର ସ୍ଥାନ ହାସଲ କରିଛି । ତେବେ ଦିନିକିଆ ଏବଂ ଟି-୨୦ରେ ଭାରତ ଏକ ନମ୍ୱର ସ୍ଥାନ ବଜାୟ ରଖିଛି। ଆଇସିସିର ଏହି ବାର୍ଷିକ୍ ଅପଡେଟ୍ ପରେ ଟେଷ୍ଟରେ ଅଷ୍ଟ୍ରେଲିଆର ୧୨୪ ରେଟିଂ ପଏଣ୍ଟ, ଭାରତ ୧୨୦ ରେଟିଂ ସହ ଦ୍ୱିତୀୟରେ ଅଛି । ଅନ୍ୟପଟେ ଇଂଲଣ୍ଡ ୧୦୫ ରେଟିଂ ସହ ତୃତୀୟ ସ୍ଥାନରେ ଅଛି । ଏହା ବ୍ୟତୀତ ଟେଷ୍ଟ ରାଙ୍କିଂ ର ଚତୁର୍ଥରୁ ନବମ ସ୍ଥାନ ପର୍ଯ୍ୟନ୍ତ କୌଣସି ପ୍ରକାର ପରିବର୍ତ୍ତନ ହୋଇ ନାହିଁ । ଦକ୍ଷିଣ ଆଫ୍ରିକା (୧୦୩), ନ୍ୟୁ ଜିଲାଣ୍ଡ (୯୬), ପାକିସ୍ତାନ (୮୯), ଶ୍ରୀଲଙ୍କା (୮୩), ୱେଷ୍ଟଇଣ୍ଡିଜ୍ (୮୨) ଏବଂ ବାଂଲାଦେଶ (୫୩) ପଏଣ୍ଟ ସହ ନବମ ସ୍ଥାନରେ ଅଛି । ସବୁ ଟିମଙ୍କ ୨୦୨୧ ମେ ମାସ ପରର ପ୍ରଦର୍ଶନ ଆଧାରରେ ସଦ୍ୟତମ ରାଙ୍କିଂ ଜାରି କରାଯାଇଛି । ଟିମ୍ ଇଣ୍ଡିଆ ଲିମିଟେଡ୍ ଓଭର କ୍ରିକେଟରେ ନିଜ ରାଜୁତି ଜାରି ରଖିଛି। ନୂଆ ରାଙ୍କିଂ ରେ ୧୨୨ ରେଟିଂ ପଏଣ୍ଟ ସହ ଭାରତ ପ୍ରଥମ ଏବଂ ୧୧୬ ରେଟିଂ ପଏଣ୍ଟ୍ସ ସହ ଦ୍ୱିତୀୟ ସ୍ଥାନରେ ଅଛି । ଭାରତ ପାଖରେ ୬ ରେଟିଂ ପଏଣ୍ଟ୍ସ ଅଧିକ ରହିଛି ଛି। ଏହି ସୂଚୀରେ ଦକ୍ଷିଣ ଆଫ୍ରିକା ୧୧୨ ରେଟିଂ ସହ ଅଷ୍ଟ୍ରେଲିଆ ନିକଟରେ ଅଛି, ଏବଂ ତୃତୀୟ ସ୍ଥାନରେ ଅଛି । ପାକିସ୍ତାନ ୧୦୬ ପଏଣ୍ଟ ଏବଂ ନ୍ୟୁ ଜିଲାଣ୍ଡ ୧୦୧ ରେଟିଂ ପଏଣ୍ଟ ସହ ଶୀର୍ଷ ୫ରେ ଅଛନ୍ତି । ଇଂ ଲଣ୍ଡ ୯୫ ପଏଣ୍ଟ ସହ ସୂଚୀର ଷଷ୍ଠରେ , ଶ୍ରୀଲଙ୍କା ୯୩ ପଏଣ୍ଟ ସହ ସପ୍ତମରେ, ବାଂଲାଦେଶ ୮୬ ପଏଣ୍ଟ ସହ ୮ମ, ଆଫଗାନିସ୍ତାନ ୮୦ ପଏଣ୍ଟ ସହ ନବମ ଏବଂ ୱେଷ୍ଟଇଣ୍ଡିଜ ୬୯ ରେଟିଂ ପଏଣ୍ଟ ସହ ୧୦ମ ସ୍ଥାନରେ ଅଛି । ସେହିପହି ରି ଆଇସିସିର ବାର୍ଷିକ ଅପଡେଟ୍ ପରେ ଭାରତ ଟି-୨୦ ରାଙ୍କିଂ ରେ ୨୬୪ ପଏଣ୍ଟ ସହ ପ୍ରଥମ ସ୍ଥାନରେ ଅଛି । ସେହିପହି ରି ୨୫୭ ପଏଣ୍ଟ ସହ ଦ୍ୱିତୀୟରେ ଅଷ୍ଟ୍ରେଲିଆ ଅଛି । ତୃତୀୟରେ ସ୍ଥାନରେ ଇଂଲଣ୍ଡ (୨୫୨), ଚତୁର୍ଥ ସ୍ଥାନରେ ଦକ୍ଷିଣ ଆଫ୍ରିକା (୨୫୦) ଅଛି।
previous post