କଟକ : ଆଗକୁ ଆସୁଛି ହକି ମହାକୁମ୍ଭ | ଏଥି ପାଇଁ ଚଳଚଞ୍ଚଳ କଟକ ସହର । ହକି ବିଶ୍ଵକପ ପାଇଁ ବାରବାଟୀ ଷ୍ଟାଡିୟମରେ ଜାନୁଆରୀ ୧୧ରେ ଆୟୋଜିତ ହେବ ଗ୍ରାଣ୍ଡ ଓପନିଂ ସେରିମୋନୀ । ଏହାକୁ ଦୃଷ୍ଟିରେ ରଖି କଟକ ସହରରେ ଆଗେଇ ଚାଲିଛି ସୌନ୍ଦର୍ଯ୍ୟକରଣ କାମ । ଏଣୁ କଟକର ପ୍ରବେଶ ପଥ ଠୁ ଆରମ୍ଭ କରି ରାସ୍ତାଘାଟ, କାନ୍ଥବାଡ଼ ଏବେ ହକିମୟ । ଜନସାଧାରଣ, କ୍ରୀଡ଼ାପ୍ରେମୀ ଏକ ବଡ଼ ଧରଣର ଉଦଘାଟନୀ ଧମାକା ଦେଖିବାକୁ ପାଇବେ ବୋଲି କହିଛନ୍ତି କଟକ ମହାନଗର ନିଗମ କମିଶନର ନିଖିଲ ପବନ କଲ୍ୟାଣ । ସୌନ୍ଦର୍ଯ୍ୟକରଣ କାର୍ଯ୍ୟକୁ ସ୍ଥାୟୀ ଭାବରେ ସାଇତି ରଖିବାକୁ ପ୍ରୟାସ କରାଯାଉଥିବା କହିଛନ୍ତି କମିଶନର ।
