ଦିଲ୍ଲୀ କ୍ୟାପିଟାଲ୍ସ ଏବଂ ଲକ୍ଷ୍ନୌ ସୁପର ଜାଏଣ୍ଟସ ମଧ୍ୟରେ ହେବ ମହା ମୁକାବିଲା

ନୂଆଦିଲ୍ଲୀ : ଆଇପିଏଲ୍ ୨୦୨୪ ଆଜିର ଟୁର୍ଣ୍ଣା ମେଣ୍ଟରେ ଖେଳାଯିବ ୬୪ ତମ ମ୍ୟାଚ୍ । ଆଉ ଏଥିରେ ଦିଲ୍ଲୀ କ୍ୟାପିଟାଲ୍ସ ଏବଂ ଲକ୍ଷ୍ନୌ ସୁପର ଜାଏଣ୍ଟସ ମଧ୍ୟରେ ହେବ ମହା ମୁକାବିଲା। ତେବେ ଆଜି ରାତି ୭ଟା ୩୦ରେ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମ୍ ରେ ହେବ ଏହି ଲଢେଇ। ପ୍ଲେ-ଅଫ୍ ରେସ୍ ପାଇଁ ଆଜିର ମ୍ୟାଚ ରେ ଉଭୟ ଦଳକୁ ବିଜୟୀ ଜରୁରୀ । ବର୍ତ୍ତମାନ ପର୍ଯ୍ୟନ୍ତ ଦିଲ୍ଲୀ କ୍ୟାପିଟାଲ୍ସ ୧୩ଟି ମୁକାବିଲା ଖେଳିସାରିଛି । ଯେଉଁଥିରେ ୬ଟିରେ ବିଜୟୀ ହୋଇଥିବା ବେଳେ ୭ଟି ପରାସ୍ତ ହୋଇଛି । ମୋଟ ୧୨ ଅଙ୍କ ସହ ପଏଣ୍ଟ ଟେବୁଲ୍ ର ୬ଷ୍ଠ ସ୍ଥାନରେ ରହିଛି । ଟୁର୍ଣ୍ଣାମେଣ୍ଟ ଆରମ୍ଭରୁ ଦଳ ଭଲ ପ୍ରଦର୍ଶନ କରିନଥିବା ବେଳେ ଶେଷ ଆଡକୁ ଜବରଦସ୍ତ ଖେଳ ଜାରି ରଖିଛି । ଦଳ ଏବେ ବି ପ୍ଲେ-ଅଫ ରେସ୍ ରେ ନିଜକୁ ରଖିଛି । ତେଣୁ ବାକି ଥିବା ସବୁ ମ୍ୟାଚ ରେ ବିଜୟୀ ହୋଇ ପ୍ଲେ-ଅଫ୍ ପାଇଁ ନିଜକୁ କ୍ୱାଲିଫାଏ କରିବାକୁ ଚେଷ୍ଟ କରିବ । ତେବେ ଟିମ୍ ର ଷ୍ଟାର୍ ଖେଳାଳିରେ ଭରପୁର ରହିଛି । ତେବେ ଆଜିର ମ୍ୟାଚରେ ରିଷଭ ପନ୍ଥ ବ୍ୟାକ କରିବାର ସୂଚନା ରହିଛି । ଗୋଟିଏ ମ୍ୟାଚ ରେ ବ୍ୟାନ୍ ଲାଗି ପୂର୍ବ ମୁକାବିଲାରେ ଖେଳିପାର ନିଥିଲେ ରିଷଭ । ସେହିପରି ଲକ୍ଷ୍ମୌ ସୁପର ଜାଏଣ୍ଟସ ବର୍ତ୍ତମାନ ସୁଦ୍ଧା ୧୨ଟି ମୁକାବିଲା ଖେଳିସାରିଛି । ଯେଉଁଥିରେ ୬ଟିରେ ବିଜୟୀ ଏବଂ ୬ଟିରେ ପରାସ୍ତ ହେବାକୁପଡ଼ିଛି ।ତେଣୁ ମୋଟ ୧୨ ଅଙ୍କ ସହ ପଏଣ୍ଟ ଟେବୁଲ ର ୭ମ ସ୍ଥାନରେ ରହିଛି । ତଥାପି ଦଳ ଏବେବି ପ୍ଲେ-ଅଫ୍ ରେସ୍ ରେ ରହିଛି । ତେଣୁ ଆଜିର ମ୍ୟାଚ ବିଜୟୀ ହୋଇ ପ୍ଲେ-ଅଫ୍ ସ୍ଥିତିକୁ ଆହୁରି ମଜବୁତ୍ କରିବାକୁ ଉଦ୍ୟମ କରିବ ରାହୁଲ ବାହିନୀ ।