ଆସନ୍ତାକାଲି ହକି ଟ୍ରଫିକୁ ସ୍ୱାଗତ ସମ୍ବର୍ଦ୍ଧନା

ନବରଙ୍ଗପୁର : ଆନ୍ତର୍ଜାତିକ ହକି ମହାସଂଘ ଦ୍ୱାରା ଆୟୋଜିତ ହେଉଥିବା ହକି ବିଶ୍ୱ କପ ୨୦୨୩ ର ଟ୍ରଫିକୁ ଜାନୁଆରୀ ଏକ ତାରିଖରେ ନବରଙ୍ଗପୁର ଠାରେ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯିବ । ଏନେଇ ନବରଙ୍ଗପୁର ଜିଲ୍ଲାପାଳ ଡ଼ଃ କମଳ ଲଚନ ମିଶ୍ର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଏଆରସି ଉଚ୍ଚ ବିଦ୍ୟାଳୟର ଖେଳ ପଡିଆ ଠାରେ ଏହି ସ୍ୱାଗତ କରାଯିବ । ପୌରପାଳିକା ଠାରୁ ମାଝୀଗୁଡା ପର୍ୟ୍ୟନ୍ତ ଏକ ଶୋଭା ଯାତ୍ରାରେ ଏହି ଟ୍ରଫିକୁ ନିଆଯିବ । ଜିଲ୍ଲାର ବିଭିନ୍ନ କ୍ରୀଡ଼ାବିତ,ହକି ଖେଳାଳି, ଜିଲ୍ଲାବାସୀ ଜନପ୍ରତିନିଧି ଓ ଜିଲ୍ଲା ସ୍ତରୀୟ ଅଧିକାରୀ ମାନେ ଯୋଗ ଦେବେ । ନବରଙ୍ଗପୁର ସର୍କିଟ ହାଉସ ପଡିଆ ଠାରେ ୧୫,୧୬,୧୭ ରେ ହକି ମ୍ୟାଚ ଦେଖାଇବା ବ୍ୟବସ୍ଥା କରାଯାଇଥିବା ବେଳେ ପଲ୍ଲୀଶ୍ରୀ ମେଳା,ପୁସ୍ତକ ମେଳା ଓ କୃଷି ମେଳା ଅନୁଷ୍ଠିତ ହେବା ସହ ସାଂସ୍କୃତିକ କାର୍ୟ୍ୟକ୍ରମ ହେବାର ବ୍ୟବସ୍ଥା ରହିଛି ।