କୋଲକାତା: ଦକ୍ଷିଣ ଆଫ୍ରିକା ଗସ୍ତରେ ଲଗାତାର ଶୃଙ୍ଖଳା ହାରି ଫେରିଥିବା ଭାରତୀୟ ଦଳ ୱେଷ୍ଟଇଣ୍ଡିଜ୍ ବିପକ୍ଷରେ ଲଗାତାର ଶୃଙ୍ଖଳା ଜିତିଛି। ଦ୍ୱତୀୟ ଟି -୨୦ରେ ଭାରତ ୮ ରନ୍ରେ ୱେଷ୍ଟଇଣ୍ଡିଜ୍କୁ ପରାସ୍ତ କରିବା ଫଳରେ ରୋହିତ ଶର୍ମାଙ୍କ ଦଳ ୩ ମ୍ୟାଚ୍ ଶୃଙ୍ଖଳାକୁ ୨-୦ରେ ଆଗୁଆ ଜିତି ନେଇଛି। ଭାରତ ୧୮୭ ରନ୍ର ବିଜୟ ଲକ୍ଷ୍ୟ ରଖିଥିଲା। ନିକୋଲାସ ପୂରନ (୬୨) ଓ ରୋଭମନ ପାୱେଲ (୬୮)ଙ୍କ ଶତକୀୟ ଭାଗୀଦାରି ମ୍ୟାଚ୍ ଛଡ଼ାଇନେବାର ଆଶଙ୍କା ସୃଷ୍ଟି କରିଥିଲେ ମଧ୍ୟ ଶେଷ ୩ ଓଭରରେ ଭାରତ ଚମତ୍କାର ପ୍ରତ୍ୟାବର୍ତନ କରି ସୁଯୋଗ ହାତଛଡ଼ା କରିନଥିଲା। ଫଳରେ ଭ୍ରମଣକାରୀ ଦଳ ୧୭୮/୩ରେ ସୀମିତ ରହିଯାଇଥିଲା। ରୋହିତ ଶର୍ମାଙ୍କ ନେତୃତ୍ୱରେ ଏହା ଭାରତର ତୃତୀୟ ଶୃଙ୍ଖଳା ବିଜୟ। ଭାରତର ମଧ୍ୟ ଏହା ଦ୍ୱତୀୟ ସର୍ବାଧିକ ଅଷ୍ଟମ ଲଗାତାର ଟି-୨୦ ବିଜୟ। ଋଷଭ ପନ୍ତ ମ୍ୟାଚ୍ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।
ଭାରତର ଲଗାତାର ବିଜୟ: ୱେଷ୍ଟଇଣ୍ଡିଜ୍ ୮ ରନ୍ରେ ପରାସ୍ତ
