ପୂର୍ବତନ ଓ୍ବେଷ୍ଟଇଣ୍ଡିଜ କ୍ରିକେଟର୍ ବାସିଲ ବାଉଚରଙ୍କ ପରଲୋକ

(ଓଡ଼ିଶା ସ୍ପୋର୍ଟ):  ମଙ୍ଗଳବାର ଦିନ ପୂର୍ବତନ ଓ୍ବେଷ୍ଟଇଣ୍ଡିଜ କ୍ରିକେଟର୍ ବାସିଲ ବାଉଚରଙ୍କ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୮୬ ବର୍ଷ ହୋଇଥିଲା। ସେ ଦୀର୍ଘଦିନ ଧରି ଅସୁସ୍ଥ ଥିଲେ । ସେ ୪୪ଟି ଟେଷ୍ଟ ମ୍ୟାଚ ଖେଳିଛନ୍ତି। ସେ ୪୩. ୧୧ ଆଭରେଜରେ ୩୧୦୪ ରନ୍ ସଂଗ୍ରହ କରିଛନ୍ତି। ଏଥିରେ ୭ ଶତକ ଓ ୧୬ ଅର୍ଦ୍ଧଶତକ ରହିଛି। ୧୯୬୩ରେ ଲଡର୍ସରେ ଇଂଲଣ୍ଡ ବିପକ୍ଷରେ ୧୩୩ ରନ ଓ ୧୯୬୬ରେ ନଟିଂହାମ୍ଠାରେ ୨୦୯ ରନର ଇନିଂସ ତାଙ୍କ କ୍ୟାରିୟରର ଶ୍ରେଷ୍ଠ ବ୍ୟାଟିଂ କୁହାଯାଏ। ଭାରତ ମାଟିରେ ବାଉଚର ୬୯.୪୨ ଆଭରେଜରେ ୪୮୬ ରନର ସଂଗ୍ରହ କରିଛନ୍ତି। କୋଲକାତା ଓ ଚେନ୍ନାଇ ରେ ସେ ଗୋଟିଏ ଲେଖାଏ ଶତକ ମଧ୍ୟ ହାସଲ କରିଥିଲେ। ବାଉଚର ମଧ୍ୟ ସାମୟିକ ଲେଗ୍-ସ୍ପିନ ବୋଲିଂ କରି ଟେଷ୍ଟରେ ୫ ଉଇକେଟ୍ ହାସଲ କରିଛନ୍ତି। ୧୯୭୦ରେ ସେ ଓ୍ବିଜଡେନ କ୍ରିକେଟର୍ ଅଫ୍ ଦି ଇୟର ପୁରସ୍କାର ହାସଲ କରିଥିଲେ।