(ଓଡିଶା ସ୍ପୋର୍ଟ): ଶନିବାର ସ୍ଥାନୀୟ ସିଡ୍ନୀ କ୍ରିକେଟ ଗ୍ରାଉଣ୍ଡରେ ଖେଳାଯାଇଥିବା ଦିନିକିଆ ଆନ୍ତର୍ଜାତିକରେ ୩୪ ରନ୍ରେ ହାରିଗଲା ଟିମ୍ ଇଣ୍ଡିଆ । ବ୍ୟାଟ୍ସମ୍ୟାନ ରୋହିତ୍ ଶର୍ମାଙ୍କ ଶତକ ସତ୍ତ୍ୱେ ଭାରତୀୟ କ୍ରିକେଟ ଦଳ ପରାସ୍ତ ହୋଇଛି। ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ନିର୍ଦ୍ଧାରିତ ୫୦ ଓଭରରେ ୫ ଉଇକେଟ୍ ହରାଇ ୨୮୮ ରନ କରିଥିଲା। ଓପନର୍ ରୋହିତ୍ ଶର୍ମା ୧୨୯ ବଲରୁ ୧୩୩ ରନର (୧୦ ଚୌକା, ୬ ଛକା) ଶତକୀୟ ଇନିଂସ ଖେଳିଥିଲେ ମଧ୍ୟ ଭାରତ ୫୦ ଓଭରରେ ୯ ଉଇକେଟ୍ରେ ୨୫୪ ରନ କରିପାରିଥିଲା। ରୋହିତ୍ଙ୍କ ଏହା ୨୨ତମ ଦିନିକିଆ ଶତକ ଥିଲା। ଭେଟେରାନ ମହେନ୍ଦ୍ର ସିଂ ଧୋନୀ ୯୬ ବଲରୁ ୫୧ ରନର ଧିମା ଇନିଂସ ଖେଳିଥିଲେ। ବିଜୟ ସହ ଅଷ୍ଟ୍ରେଲିଆ ୩ ମ୍ୟାଚ୍ ବିଶିଷ୍ଟ ସିରିଜରେ ୧-୦ରେ ଅଗ୍ରଣୀ ଲାଭ କରିଛି। ସିରିଜର ୨ୟ ଦିନିକିଆ ଜାନୁୟାରୀ ୧୫ରେ ଆଡିଲେଡ୍ରେ ଖେଳାଯିବ।
ପ୍ରଥମ ଦିନିକିଆ ଆନ୍ତର୍ଜାତିକ ମ୍ୟାଚରେ ଅଷ୍ଟ୍ରେଲିଆ ବିଜୟୀ
