(ଶିଳାସ୍ମୀତା ରାୟ) ଭୁବନେଶ୍ୱର: ବାଙ୍ଗଲାଦେଶ ବିପକ୍ଷରେ ତିନି ମ୍ୟାଚର ଟି-୨୦ ସିରିଜର ଆଜି ପ୍ରଥମ ଦିନ । ରବିବାର ଖେଳରେ ଭାରତ ପକ୍ଷରୁ ଅଲରାଉଣ୍ଡର ଶିବମ ଦୁବେ ଡେବ୍ୟୁ କରିଛନ୍ତି । ସେ ଭାରତ ପକ୍ଷରୁ ଆନ୍ତରାଷ୍ଟ୍ରୀୟ ଟି-୨୦ରେ ଡେବ୍ୟୁ କରୁଥିବା ୮୨ତମ ଖେଳାଳି । ରୋହିତ ଶର୍ମାଙ୍କ ନେତୃତ୍ୱରେ ଟିମ ଇଣ୍ଡିଆରେ ଅନେକ ନୂଆ ଖେଳାଳି ସାମିଲ ହୋଇଛନ୍ତି, ଏମାନଙ୍କ ମଧ୍ୟରେ ଜଣେ ହେଲେ ମୁମ୍ବାଇର ଅଲରାଉଣ୍ଡର ଶିବମ, ଯାହାଙ୍କୁ ହାର୍ଦ୍ଦିକ ପାଣ୍ଡିୟାଙ୍କ ଅନୁପସ୍ଥିତିରେ ଟିମରେ ଜାଗା ମିଳିଛି ।
ମୁମ୍ବାଇର ଏହି ଯୁବା ବ୍ୟାଟ୍ସମ୍ୟାନ ନିକଟରେ ବିଜୟ ହଜାରେ ଟ୍ରଫିରେ ନିଜର ଦମଦାର ପ୍ରଦର୍ଶନରେ ସମସ୍ତଙ୍କ ଧ୍ୟାନ ଆକର୍ଷଣ କରିବାରେ ସକ୍ଷମ ହୋଇଥିଲେ । ସେ ବିଜୟ ହଜାରେ ଟ୍ରଫିରେ ମୁମ୍ବାଇ ପାଇଁ ଖେଳି ଆଠଟି ମ୍ୟାଚରେ ହାରାହାରି ୮୮.୫୦ ରେଟ ୧୭୭ ରନ କରିଥିଲେ । ୫ଟି ପାଳିରେ ସେ ଗୋଟିଏ ଶତକ ମଧ୍ୟ କରିଛନ୍ତି, ଏଥିସହ ଲୋୟର ଅଡରରେ ବ୍ୟାଟିଂ କରି ୧୫ଟି ଛକ୍କା ହାସଲ କରିଛନ୍ତି । କିନ୍ତୁ ବୋଲିଂରେ ଦୁବେ କିଛି ଭଲ ପ୍ରଦର୍ଶନ କରି ପାରି ନଥବଲେ ଓ ଟୁର୍ଣ୍ଣାମେଣ୍ଟରେ ପାଞ୍ଚ ୱିକେଟ ହାସିଲ କରିଥିଲେ ।
