ବିଶ୍ୱ ଚମ୍ପିଆନସିପରେ ଦୀପିକାଙ୍କ ପରେ କୋମଲିକା

(ଓଡିଶା ସ୍ପୋର୍ଟସ ): କୋମଲିକାଙ୍କ ପାଇଁ ଅଣ୍ଡର-୧୮ ବିଶ୍ୱ ଚମ୍ପିଆନସିପ୍ ହେବା କୌଣସି ଏକ ଚ୍ୟାଲେଞ୍ଜ ଠାରୁ କମ୍ ନଥିଲା । କିଛିମାସ ପୂର୍ବରୁ ୧୭ ବର୍ଷିୟ କୋମଲିକା ତୀରନ୍ଦାଜୀ ଖେଳାଳୀ ଦୀପିକା କୁମାରୀଙ୍କ ପରି ଅଲମ୍ପିକ୍ କ୍ୱାଲିଫାଇଙ୍ଗ୍ ସିନିୟର ବିଶ୍ୱ ଚମ୍ପିଆନସିପ୍ ପାଇଁ ଭାରତୀୟ ଟିମ୍ରେ ନିଜର ଯାଗା ସୁରକ୍ଷିତ କରି ନେଇଛନ୍ତି । କିନ୍ତୁ ଏତେ ବଡ ମଞ୍ଚରେ ଏହି ତୀରନ୍ଦାଜୀ ଖେଳାଳୀ ଚାପରେ ଆସି ବିଚଳିତ ହୋଇଯାଇଥିଲେ ।
ଫଳାଫଳ ଏପରି ହେଲା ପୁରୁଷ ବିଭାଗ ଅଲମ୍ପିକ୍ରେ କ୍ୱାଲିଫାଇ କରିଗଲେ ଏବଂ ମହିଳା ଟିମ୍ ପଛରେ ରହିଗଲେ, କିନ୍ତୁ କିଛି ସମୟମଧ୍ୟରେ କୋମଲିକା ପ୍ରଥମଥର ସବ୍ ଜୁନିୟର ବିଶ୍ୱ ଚମ୍ପିଆନସିପ୍ ପାଇଁ ଟିମରେ ନିଜର ସ୍ଥାନ ସୁରକ୍ଷିତ କରିଛନ୍ତି । ସେ ଦୀପିକାଙ୍କ ପରେ ବିଶ୍ୱ ଚମ୍ପିଆନ ହେବାରେ ଦେଶର ଦ୍ୱିତୀୟ ଭାରତୀୟ ତୀରନ୍ଦାଜୀ ହୋଇଛନ୍ତି ।
କୋମଲିକା ମୋଣ୍ଡ୍ରିଡ୍ ରେ କହିଥିଲେ ତାଙ୍କୁ ଫିଟ୍ ରହିବା ପାଇଁ ତାଙ୍କ ମା’ ୨୦୧୨ ମସିହାରେ ତୀରନ୍ଦାଜୀ ଶିଖାଇଥିଲେ । ସେତେବେଳେ ତାଙ୍କୁ ଜାମ୍ସେଦପୁର ପାଖ ଏକାଡେମିରେ କାଠ ନିର୍ମିତ ଧନୁସ୍ ଦିଆଯାଇଥିଲା । କିଛି ସମୟ ପରେ ତାଙ୍କୁ ଏହି ଖେଳରେ ମଜା ଆସିଯାଇଥିଲା, ସେହିଠାରୁ ସେ ଜାତୀୟ ସ୍ତରରେ ଖେଳିବା ପାଈଁ ନିଷ୍ପତି ନେଇଥିଲେ । ୨୦୧୬ ମସିହା ପର୍ଯ୍ୟନ୍ତ ସେ ଇଣ୍ଡିଆନ୍ ରାଉଣ୍ଡ(କାଠର ଧନୁଷ୍ ରେ) ରେ ହିଁ ଖେଳୁଥିଲେ ।
ଏହି ସମୟରେ ଦୀପିକାଙ୍କ କୋଚ୍ ଧର୍ମେନ୍ଦ୍ର ତିୱାରୀ ତାଙ୍କୁ ଦେଖିଥିଲେ । ଧର୍ମେନ୍ଦ୍ରଙ୍କ କହିବା ଅନୁଯାୟୀ ୨୦୧୬ରେ କୋମଲିକାଙ୍କୁ ଟାଟା ଏକାଡେମି ପାଇଁ ଟ୍ରାୟଲ ଦିଆଯାଇଥିଲା । ଏଠାରେ ତାଙ୍କୁ ଚୟନ କରାଯାଇଥିଲା । ସେବେଠାରୁ ସେ ତାଙ୍କ ପାଖରେ ଅଛନ୍ତି । ଏକାଡେମି ତାଙ୍କୁୁ ଦାମି ରିକୋଇଲ ଧନୁସ୍ ଦେଇଛନ୍ତି । ଏହି ଧନୁସରେ ସେ ଅନେକ ପଦକ ଜିତିଛନ୍ତି । ଧର୍ମେନ୍ଦ୍ରଙ୍କ ଅନୁସାରେ କୋମଲିକାଙ୍କ ପାଇଁ ଏହି ପଦକ ବହୁତ ବଡ ଅଟେ । ଏବେ ତାଙ୍କ ଚିନ୍ତାଧାରାରୁ ସିନିୟର ବିଶ୍ୱ ଚମ୍ପିଆନଶିପର ବିଫଳତାର ବୋଝ ହଟାଇ ଦିଆଯାଇଛି ।
ହୋଟେଲ ଚଲାନ୍ତି ପିତା:
ଦ୍ୱାଦଶ ଶ୍ରେଣୀର ଛାତ୍ରୀ କୋମଲିକା ପାଠ ପଢାରେ ମଧ୍ୟ ମେଧାବି ଥିଲେ । ସେ ମାଟ୍ରକ୍ ପରୀକ୍ଷାରେ ୮୫ ପ୍ରତିଶତ ଅଙ୍କ ରଖି ପାସ୍ ହୋଇଛନ୍ତି । ତାଙ୍କ ପିତା ଘନଶ୍ୟାମ ବାରି ଏକ ଛୋଟ ହୋଟେଲ ଚଳାନ୍ତି ଏବଂ ତାଙ୍କ ମା’ ଅଙ୍ଗନୱାଡି କେନ୍ଦ୍ରରେ ସହାୟୀକା ଭାବେ କାମ କରନ୍ତି । ଧର୍ମେନ୍ଦ୍ର ଏବଂ ଘନଶ୍ୟାମଙ୍କ କହିବା ଅନୁଯାୟୀ କୋମଲିକା ସବୁବେଳେ ଖୁସିରେ ରୁହନ୍ତି । ଯେଉଁ କାମକୁ ଥରେ ଆରମ୍ଭ କରନ୍ତି ତାକୁ ଶେଷ ନ କଲା ପର୍ଯ୍ୟନ୍ତ ଛାଡନ୍ତି ନାହିଁ । ସ୍କୁଲରେ ସେ ଖେଳରେ ମଧ୍ୟ ଭଲ ପ୍ରଦର୍ଶନ କରୁଥିଲେ । ଅଧ୍ୟାପକ ମାନେ ତାଙ୍କୁ ଆଥଲେଟିକ୍ ରେ ଯିବା ପାଇଁ ପରାମର୍ଶ ଦେଉଥିଲେ, କିନ୍ତୁ ତାଙ୍କ ମା’ ତାଙ୍କୁ ତିରନ୍ଦାଜୀରେ ହିଁ ରହିବା ପାଇଁ କହିଥିଲେ ।