(ଓଡିଶା ସ୍ପୋର୍ଟସ ): ଆଜି ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଧର୍ମଶାଳାରେ ପ୍ରଥମ ଟି-୨୦ ମୁକାବିଲା ହେବ । ବିଶ୍ୱକପରେ ପରାଜୟ ପରେ ଭାରତ ୱେଷ୍ଟଇଣ୍ଡିଜ ଗସ୍ତରେ ସଫଳତା ହାସଲ କରିଥିବାରୁ ଦକ୍ଷିଣ ଆଫ୍ରିକା ବିପକ୍ଷରେ ଭଲ ପ୍ରଦର୍ଶନ କରିବାକୁ ଲକ୍ଷ୍ୟ ରଖିଛି । ବିରାଟ କୋହଲିଙ୍କ ନେତୃତ୍ୱରେ ଖେଳୁଥିବା ଟିମ ଇଣ୍ଡିଆ ଏଥି ପାଇଁ ସ୍ୱତନ୍ତ୍ର ରଣନୀତି ମଧ୍ୟ ପ୍ରସ୍ତୁତ କରିଛି । ଭାରତୀୟ ସମୟ ରାତି ୭ଟାରୁ ଏହି ମ୍ୟାଚ ଖେଳାଯିବ ।
ଟିମ ଇଣ୍ଡିଆର ପ୍ରଶଂସକଙ୍କ ମନରେ ପ୍ରଶ୍ନ ଉଠୁଛି ଯେ, ବିରାଟ କୋହଲି ନିଜର ଅଧିନାୟକତ୍ୱ ଯାଦୁ ଧର୍ମଶାଳାରେ ମଧ୍ୟ ଜାରି ରଖିବେ । ସେ ୱେଷ୍ଟଇଣ୍ଡିଜରେ ଶୃଙ୍ଖଳା ଜିତିବା ପାଇଁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରି ସଫଳ ମଧ୍ୟ ହୋଇଥିଲେ ।
ବିରାଟ କୋହଲିଙ୍କୁ ଏହି ମ୍ୟାଚ ଜିତିବା ପାଇଁ ଚାପର ଶିକାର ମଧ୍ୟ ହେବାକୁ ପଡ଼ିପାରେ । କାରଣ ୱେଷ୍ଟଇଣ୍ଡିଜର ବ୍ୟାଟିଂ ତୁଳନାରେ ଦକ୍ଷିଣ ଆଫ୍ରିକାର ବ୍ୟାଟିଂ ଅଧିକ ମଜବୁତ ।
ଭାରତୀୟ ଟିମ: ବିରାଟ କୋହଲି (ଅଧିନାୟକ), ଋଷଭ ପନ୍ତ (ୱିକେଟକିପର), ରୋହିତ ଶର୍ମା, ଶିଖର ଧାୱନ, ଶ୍ରେୟସ ଆୟର, ରବୀନ୍ଦ୍ର ଜାଦେଜା, ୱାଶିଂଟନ ସୁନ୍ଦର, ଦୀପକ ଚାହର, ନଭଦୀପ ସାଇନି, ଲୋକେଶ ରାହୁଲ, ମନୀଷ ପାଣ୍ଡେ, ରାହୁଲ ଚାହର, ଖଲିଲ ଅହମଦ
ଦକ୍ଷିଣ ଆଫ୍ରିକା ଟିମ: କ୍ୱିଣ୍ଟନ ଡି-କକ (ଅଧିନାୟକ), ରିଜା ହେଣ୍ଡରିକ, ରସଇ ଭାନ ଡର ଦୁସେନ, ତେମ୍ବା ବାଭୁମା, ଆଣ୍ଡିଲେ ଫେଲୁକାୱା, ଡ୍ୱେଇନ ପ୍ରିଟୋରିୟସ, କାଗିସୋ ରାବଡା, ବେଉରାନ ହ୍ୟାଣ୍ଡରିଚ, ଜିନିଅର ଡାଲା, ତବରିଜ ଶାମିସ, ଆନରିଚ ନୋରଟି, ଭୋଜମ ଫରଟ୍ୟୁନ, ଜର୍ଜ ଲିଣ୍ଡେ
