ମାତ୍ର ୪ ମିନିଟରେ ୪ଟି ଗୋଲ୍ କରି ବିଶ୍ୱ ରେକର୍ଡ କଲେ ଲେଭଣ୍ଡୋସ୍କ୍

(ଓଡିଶା ସ୍ପୋର୍ଟସ): ବାୟର୍ନ ମ୍ୟୁନିଖ ଫୁଟବଲ କ୍ଲବ୍ ର ଷ୍ଟ୍ରାଇକର ରବର୍ଟ ଲେଭଣ୍ଡୋସ୍କି ଏକ ଖାସ କିର୍ତ୍ତିମାନ ନିଜ ନାମରେ କରିଛନ୍ତି । ଲେଭଣ୍ଡୋସ୍କି ଏବେ ଚମ୍ପିଆନ ଲିଗରେ ସବୁଠାରୁ ଶୀଘ୍ର ୪ଟି ଗୋଲ କରିଥିବା ଫୁଟବଲ ଖେଳାଳୀ ହୋଇଛନ୍ତି । ମଙ୍ଗଳବାର ଦିନ ୋଡ ଷ୍ଟେଟ୍ ବେଲେଗ୍ରେଡରେ ଖେଳାଯାଇଥିବା ମୁକାବିଲାରେ ବାୟର୍ନ ମ୍ୟୁନିଖ କ୍ରଭେନା ଜ୍ୱାଭଜ୍ୱେଦାଙ୍କ ବିପକ୍ଷରେ ୬-୦ ରେ ଏକତରଫା ବିଜୟ ହାସଲ କରିଛନ୍ତି । ଲେଭଣ୍ଡୋକ୍ସି ନିଜର ଜବରଦସ୍ତ ପ୍ରଦର୍ଶନ ବଳରେ ଦିଗ୍ଗଜ ଲିଔନେଲ ମେସିଙ୍କ ପୁରୁଣା ରେକର୍ଡ ଭାଙ୍ଗିଛନ୍ତି । ମ୍ୟାଚ ପରେ ଲେଭଣ୍ଡୋସ୍କି ୟୁରୋପରେ ଏହି ସିଜିନରେ ପାଞ୍ଚଟି ମ୍ୟାଚରେ ୧୦ଟି ଗୋଲ କରି ଟପ ସ୍କୋରର ହୋଇଛନ୍ତି । ସେ ଟୁର୍ଣ୍ଣାମେଣ୍ଟରେ ଦୁଇଥର ୪ଟିଗୋଲ କରିବାରେ ଦ୍ୱି୍ତୀୟ ଖେଳାଳୀ ମଧ୍ୟ ହୋଇଛନ୍ତି । ଏହା ପୂର୍ବରୁ ଏହି ରେକର୍ଡ ବର୍ସିର୍ଲୋନାର ଲିଓନଲ ମେସି କରିଥିଲେ । ଏହା ପୂର୍ବରୁ ଲେଭଣ୍ଡୋସ୍କି ୨୦୧୨-୧୩ର ସେମିଫାଇନାଲ ମୁକାବିଲାରେ ବୋରୁସିଆ ଡୋର୍ଟମଣ୍ଡ ତମଫରୁ ଖେଳି ରିୟଲ ମେଡ୍ରିଡ୍ ଙ୍କ ବିପକ୍ଷରେ ୪ଟି ଗୋଲ କରିଥିଲେ । ୩୧ ବର୍ଷିୟ ଲେଭଣ୍ଡୋସ୍କି ଚମ୍ପିଆନ ଲିଗରେ ମେସି ଏବଂ କ୍ରିଷ୍ଟିୟାନୋ ରୋନାଲ୍ଡୋଙ୍କ ପରେ ହାଟ୍ରିକ୍ କରିଥିବା ତୃତୀୟ ଖେଳାଳୀ ହୋଇଛନ୍ତି । ଟୁର୍ଣ୍ଣାମେଣ୍ଟର ଗ୍ରୁପ୍ –ବି ମୁକାବିଲାରେ ଷ୍ଟାର ଷ୍ଟାଇକର ଏହି ଉପଲବ୍ଧି ହାସଲ କରିଛନ୍ତି ।