(ଓଡିଶା ସ୍ପୋର୍ଟ): ଭାରତୀୟ ଅଲରାଉଣ୍ଡର ରବୀନ୍ଦ୍ର ଜାଡେଜା ଜାମଥାର ଭିସିଏ ଷ୍ଟାଡିୟମରେ ୧୦ ରନ୍ କରିବା ମାତ୍ରକେ ଏକ ନୂଆ ରେକର୍ଡର ଅଧିକାରୀ ହୋଇଛନ୍ତି ।
ଜାଡେଜା ତୃତୀୟ ଭାରତୀୟ କ୍ରିକେଟର୍ ଭାବେ ଅନ୍ତର୍ଜାତୀୟ ଦିନିକିଆରେ ୨୦୦୦ ରନ୍ ଏବଂ ୧୫୦ରୁ ଊଦ୍ଧ୍ୱର୍ ୱିକେଟ ନେବାର ସଫଳତା ଅର୍ଜନ କରିବା ପରେ ସେ ଏବେ ସଚିନ ତେନ୍ଦୁଲକର ଓ କପିଲ୍ ଦେବଙ୍କ ଲିଷ୍ଟରେ ସାମିଲ୍ ହୋଇଛନ୍ତି ।
କ୍ରିକେଟ୍ ଭଗବାନ ଭାବେ ପରିଚିତ ସଚିନଙ୍କ ନାମରେ ୪୬୩ ଦିନିକିଆରେ ୧୮୪୨୬ ରନ୍ ଏବଂ ୧୫୪ ୱିକେଟ୍ ରହିଛି । ସେହିପରି ୧୯୮୩ ବିଶ୍ୱକପ୍ ବିଜେତା ଦଳର ଅଧିନାୟକ ରହିଥିବା କପିଲ୍ ଦେବ ଏହି ସୀମିତ ଓଭର ଫର୍ମାଟ୍ରେ ୩୭୮୩ ରନ୍ ଏବଂ ୨୫୩ ୱିକେଟ୍ ନେଇଛନ୍ତି ।
ନିଜ କ୍ୟାରିୟରର ୧୪୯ତମ ଦିନିକିଆ ଖେଳୁଥିବା ଜାଡେଜା ଏପର୍ୟ୍ୟନ୍ତ ୧୭୧ ୱିକେଟ୍ ନେଇଛନ୍ତି । ନାଗପୁର ଦିନିକିଆରେ ଜାଡେଜା ୨୧ ରନ୍ କରି ଆଉଟ୍ ହୋଇଥିଲେ ।
