ସ୍କାଟିସ ଓପନର ଟାଇଟଲ ନିଜ ନାମରେ କରିଛନ୍ତି ଲକ୍ଷ

(ଓଡିଶା ସ୍ପୋର୍ଟସ): ଭାରତୀୟ ବ୍ୟାଡମିଣ୍ଟନର ଉଦୟମାନ ଖେଳାଳୀ ଲକ୍ଷ୍ ସେନ୍ ଏଠାରେ ସ୍କଟିସ୍ ଓପନର ପୁରୁଷ ଏକକ ଫାଇନାଲାରେ ବ୍ରାଜିଲର ୟଗୋର କୋଏହ୍ଲୋର ବିପକ୍ଷରେ ରୋମାଞ୍ଚକର ବିଜୟ ସହିତ ତିନି ମାସ ମଧ୍ୟରେ ଚତୁର୍ଥ ଟାଇଟଲ ନିଜ ନାମରେ କରିଛନ୍ତି । ଭାରତର ଶୀର୍ଷ ଖେଳାଳୀ ଲକ୍ଷ୍ୟ ରବିବାର ଦିନ ରାତିରେ ଖେଳାଯାଇଥିବା ଫାଇନାଲ ମ୍ୟାଚରେ ବ୍ରାଜିଲର ନିଜର ବିରୋଧିଙ୍କୁ ୫୬ ମିନିଟ୍ରେ ୧୮-୨୧, ୨୧-୧୮,୨୧-୧୯ରେ ପରାସ୍ତ କରିଥିଲେ । ଉତ୍ତରାଖଣ୍ଡର ୧୮ ବର୍ଷିୟ ଲକ୍ଷଙ୍କ ଗତ ୪ଟି ଟୁର୍ଣ୍ଣାମେଣ୍ଟରେ ଏହା ତୃତୀୟ ଟାଇଟଲ ଅଟେ । ସେ ଏହା ପୂର୍ବରୁ ସାରଲୋରଲସ୍କ ଓପନ, ଡଚ୍ ଓପନ ଏବଂ ବେଲଜିୟମ୍ ଇଣ୍ଟରନ୍ୟାସନାଲର ଟାଇଟଲ୍ ଜିତିଉନ୍ତି । ଆୟାରିସ୍ ଓପନର ଦ୍ୱିତୀୟ ପର୍ଯ୍ୟାୟରେ ମୁସ୍କିଲର ସାମନା କରିବାପରେ ଲକ୍ଷ ଏଠାରେ ଭଲ ପ୍ରତ୍ୟାବର୍ତ୍ତନ କରିଛନ୍ତି ।
ଭାରତୀୟ ଖେଳାଳୀ ନିଜର ଅଭିଯାନର ଆରମ୍ଭ ଅଷ୍ଟ୍ରିଆର ଲୁକା ଭ୍ରେବରଙ୍କ ବିପକ୍ଷରେ ସିଧା ଗେମ୍ରେ ବିଜୟ ସହିତ ଆରମ୍ଭ କରିଛନ୍ତି ଏବଂ ହମବତନ କିରନ ଜର୍ଜଙ୍କୁ ପରାସ୍ତ କରି କ୍ୱାଟର ଫାଇନାଲରେ ସ୍ଥାନ ସୁରକ୍ଷିତ କରିନେଇଛନ୍ତି । ବିଶ୍ୱର ୪୧ତମ ସ୍ଥାନରେ ଥିବା ଖେଳାଳୀ ଲକ୍ଷ ଷଷ୍ଠ ସ୍ଥାନରେ ଥିବା ବ୍ରାୟନ ୟଙ୍ଗ୍୍ଙ୍କୁ ସିଧା ଗେମ୍ରେ ପରାସ୍ତ କରିଛନ୍ତି ଏବଂ ସେମିଫାଇନାଲରେ ଫ୍ରାନ୍ସର କ୍ରିଷ୍ଟୋ ପୋପୋଭଙ୍କୁ ପରାସ୍ତ କରିଛନ୍ତି ।
ଏହି ବିଜୟରେ ଲକ୍ଷ ବିଡବ୍ଲୁଏଫ୍ ର୍ୟାଙ୍କିଙ୍ଗ୍ର ଶୀର୍ଷ ୪୦ଜଣଙ୍କ ମଧ୍ୟରେ ସ୍ଥାନ ପାଇଛନ୍ତି ଏବଂ ଗ୍ରେଡ୍ ୨ର ଶୀର୍ଷ ପ୍ରତିଯୋଗିତାରେ ସିଧା ପ୍ରବେଶ କରିବାର ନିକଟତକ ହେବେ । ଲକ୍ଷଙ୍କ ପୂର୍ବରୁ ଆନନ୍ଦ ପବର( ୨୦୧୦ ଏ୧୯ ୨୦୧୨), ଅରବିନ୍ଦ ଭଟ୍ଟ(୨୦୦୪) ଏବଂ ପୂଲେଲା ଗୋପିଚାନ୍ଦ୍(୧୯୯୯) ସ୍କାଟିଶ ଓପନର ଟାଇଟଲ ଜିତି ସାରିଛନ୍ତି ।
ଲକ୍ଷ ମୁକାବିଲାରେ ଆରମ୍ଭ ମନ୍ଥର ରହିଥିଲା କିନ୍ତୁ ସେ ଏହା ପରେ ୧୦-୮ର ଆଗକୁ ବଢିବାରେ ସଫଳ ରହିଥିଲେ । କୋହେହ୍ଲୋ ଅବଶ୍ୟ ଲଗାତାର ୬ ଅଙ୍କ ସହିତ ୧୪-୧୦ ରେ ଆଗୁଆ ରହିଥିଲେ ଏହାପରେ ସେ ପ୍ରଥମ ଗେମ୍ ନିଜ ନାମରେ କରିଥିଲେ । ଲକ୍ଷ ଦ୍ୱିତୀୟ ଗେମରେ ଭଲ ଆରମ୍ଭ କରି ୭-୦ରେ ଆଗୁଆ ରହିଥିଲେ କିନ୍ତୁ ବ୍ରାଜିଲର ଖେଳାଳୀ ୧୭-୧୭ ଅଙ୍କ କରି ସ୍କୋରକୁ ବରାବର କରିଦେଇଥିଲେ ।
ଅବଶ୍ୟ ଭାରତୀୟ ଖେଳାଳୀ ପରପର୍ତ୍ତି ପାଞ୍ଚଟି ମଧ୍ୟରୁ ଚାରଟି ଅଙ୍କ ଜିତି ମୁକାବିଲାକୁ ୧-୧ରେ ଖେଳକୁ ଡ୍ର କରିବାରେ ସଫଳ ହୋଇଥିଲେ । ତୃତୀୟ ଏବଂ ନିର୍ନାୟକ ଗେମରେ ମଧ୍ୟ କଡା ଟକ୍କର ଦେଖିବାକୁ ମିଳିଥିଲା । ବ୍ରେକ୍ ସମୟରେ କୋଏହ୍ଲୋ ୧୧-୮ରେ ଆଗୁଆ ରହିଥିଲେ କିନ୍ତୁ ଲକ୍ଷ ମ୍ୟାଚକୁ ଡ୍ର କରି ବରାବରୀ ହାସଲ କରିଥିଲେ ଏବଂ ମ୍ୟାଚ ଜିତି ଟାଇଟଲ ନିଜ ନାମରେ କରିଥିଲେ ।