(ଓଡିଶା ସ୍ପୋର୍ଟ): ଓଡ଼ିଶା ସିନିୟର କ୍ରିକେଟ ଟିମ ସୟଦ ମୁସ୍ତାକ ଅଲୀ ଟି-୨୦ରେ କ୍ରମାଗତ ଦ୍ୱିତୀୟ ବିଜୟ ହାସଲ କରିଛି। କଟକ ବାରବାଟୀ ଷ୍ଟାଡିୟମରେ ସୋମବାର ଖେଳାଯାଇଥିବା ଗ୍ରୁପ୍-ଡି’ର ଏକ ମ୍ୟାଚରେ ଓଡ଼ିଶା ୮ ୱିକେଟରେ ଅରୁଣାଚଳ ପ୍ରଦେଶକୁ ହରାଇଛି। ଏହି ବିଜୟରୁ ଓଡ଼ିଶାକୁ ୪ ପଏଣ୍ଟ ମିଳିଛି। ଏହା ପୂର୍ବରୁ ରବିବାର ଡ୍ରିମ୍ସ ଗ୍ରାଉଣ୍ଡରେ ଓଡ଼ିଶା ମିଜୋରାମ୍କୁ ୯ ୱିକେଟ୍ରେ ପରାସ୍ତ କରି ଟୁର୍ଣ୍ଣାମେଣ୍ଟରେ ବିଜୟର ସ୍ୱାଦ ଚାଖିଥିଲା।
ଆଜି ଅନୁଷ୍ଠିତ ମ୍ୟାଚରେ ଟସ ଜିତି ବ୍ୟାଟିଂ କରିଥିବା ଅରୁଣାଚଳ ପ୍ରଦେଶ ପ୍ରଥମେ ବ୍ୟାଟିଂ କରି ୧୯.୪ ଓଭରରେ ୭୫ ରନ କରି ଅଲଆଉଟ ହୋଇଥିଲା। ଜବାବରେ ଓଡ଼ିଶା ୧୩.୧ ଓଭରରେ ୨ ୱିକେଟ ହରାଇ ୭୬ ରନ କରି ବିଜୟୀ ହୋଇଛି। ଓଡ଼ିଶାର ଅଭିଷେକ ରାଉତ ଓ ସନ୍ଦୀପ ପଟ୍ଟନାୟକ ଅପରାଜିତ ରହି ଓଡ଼ିଶାକୁ ବିଜୟୀ କରାଇଥିଲେ।
