ଖୁବ ଶୀଘ୍ର ମଇଦାନକୁ ଆସିବେ ଧୋନୀ

(ଓଡିଶା ସ୍ପୋର୍ଟସ): ବହୁ ସମୟ ଧରି କିକ୍ରେଟରୁ ଦୂରେଇ ଥିବା ଏମଏସ ଧୋନୀ ଖୁବ ଶୀଘ୍ର ମଇଦାନକୁ ଆସିବେ । ଆସନ୍ତାବର୍ଷ ଅଷ୍ଟ୍ରେଲିଆ ବିପକ୍ଷରେ ହେବାକୁ ଯାଉଥିବା ଟି-୨୦ ବିଶ୍ୱକପରେ ଧୋନୀ ନଜର ଆସିବେ । ଏହି ମ୍ୟାଚ୍ ପରେ ହିଁ ଭବିଷ୍ୟତ ପାଇଁ ଧୋନୀ କିଛି ନିଷ୍ପତ୍ତି ନେବେ ବୋଲି ତାଙ୍କ କୋଚ୍ କହିଛନ୍ତି ।
ଏବେ କିନ୍ତୁ ବିଶ୍ୱକପର ସେମିଫାଇନାଲରେ ନ୍ୟୁଜଲାଣ୍ଡଠାରୁ ହାରିବା ପରେ କ୍ରିକେଟଠାରୁ ଦୂରେଇ ରହିଛନ୍ତି ଧୋନୀ । ଏପରିକି ୱେଷ୍ଟଇଣ୍ଡିଜ ଓ ଦକ୍ଷିଣ ଆଫ୍ରିକା ବିପକ୍ଷରେ ହେଉଥିବା ସିରିଜରେ ମଧ୍ୟ ଧୋନୀ ସାମିଲ ହୋଇନାହାନ୍ତି । ବର୍ତ୍ତମାନ ନିଜ ପରିବାର ସହ ସମୟ ବିତାଉଥିବା କହିଛନ୍ତି ତାଙ୍କ ପିଲାବେଳର କୋଚ୍ କୈଶବ ବାନାର୍ଜୀ ।