ଇତିହାସ ରଚିବେ ଓଡିଆ ପୁଅ

ଟୋକିଓ: ଟୋକିଓରେ ପାରା ଅଲିମ୍ପିକ୍ସରେ ପୁଣି ଦମ ଦେଖାଇଲା ଭାରତ । ଏଥର ଓଡିଆ ପୁଅ ଭାରତକୁ ସ୍ୱର୍ଣ୍ଣ ପଦକ ଦେବା ପାଇଁ ଲଢେଇ କରିବେ । ବ୍ୟାଡମଣ୍ଟନର ପୁରୁଷ ଏକକ ବର୍ଗ ଫାଇନାଲରେ ପ୍ରବେଶ କରି ପଦକ ସୁନିଶ୍ଚିତ କରିସାରିଥିବା ବେଳେ ଭାରତ ପାଇଁ ସ୍ୱର୍ଣ୍ଣ ପଦକର ଆଶ ଉଜ୍ଜୀବିତ କରିଛନ୍ତି ଜଣେ ଓଡିଆ ଖେଳାଳୀ ।
ଏହି ଓଡିଆ ଆଥଲେଟ ଜଣକ ହେଉଛନ୍ତି ପ୍ରମୋଦ ଭଗତ । ଅପରାହ୍ନ ୩ଟା ବେଳେ ସ୍ୱର୍ଣ୍ଣ ପଦକ ପାଇଁ ମଇଦାନକୁ ଓହ୍ଲାଇବେ ପ୍ରମୋଦ । ମ୍ୟାଚରେ ଯଦିବା ସେ ପରାଜୟର ସାମନା କରନ୍ତି ତେବେ ରୌପ୍ୟ ପଦକ ସୁନିଶ୍ଚିତ ହୋଇ ରହିଛି । ସେମିଫାଇନାଲରେ ଜାପାନର ଡି ଫୁଜିହାରାଙ୍କ ୨-୦ରେ ହରାଇ ଫାଇନାଲରେ ପହଞ୍ଚିଛନ୍ତି । ପ୍ରଥମ ସେଟକୁ ୨୧-୧୧ରେ ଜିତିଥିବା ବେଳେ ଦ୍ୱିତୀୟ ସେଟରେ ୨୧-୧୬ ରେ ଏକତରଫା ଭାବରେ ଜିତି ନେଇଥିଲେ । ତେବେ ପାରା ଅଲିମ୍ପିକ୍ସର ଇତିହାସରେ କୌଣସି ଭାରତୀୟ ସ୍ୱର୍ଣ୍ଣ ଜିତିବାରେ ସକ୍ଷମ ହୋଇ ପାରିନାହାନ୍ତି । ତେଣୁ ଏହି ଇତିହାସରେ ନିଜ ନାମ ଲିପିବଦ୍ଧ କରିବାକୁ ପ୍ରମୋଦଙ୍କ ନିକଟରେ ରହିଛି ସୁବର୍ଣ୍ଣ ସୁଯୋଗ ।