ମୁମ୍ବାଇ: ଆଜିଠୁ ଆରମ୍ଭ ହେଉଛି ଭାରତ-ନ୍ୟୁଜିଲାଣ୍ଡ ବିପକ୍ଷ ଟି-୨୦ ସିରିଜ । ୩ ମ୍ୟାଚ ବିଶିଷ୍ଟ ଏହି ସିରିଜର ପ୍ରଥମ ମ୍ୟାଚ ଜୟପୁରରେ ଖେଳାଯିବ । ଟି-୨୦ ବିଶ୍ୱକପରେ ନ୍ୟୁଜିଲାଣ୍ଡଠୁ ମିଳିଥିବା ପରାଜୟର ପ୍ରତିଶୋଧ ନେବା ପାଇଁ ଜୋରଦାର ପ୍ରସ୍ତୁତି ଆରମ୍ଭ କରିଛନ୍ତି ରୋହିତ ସେନା ।
ଦଳରେ ପରିବର୍ତ୍ତନ ପରେ ନୂଆ କୋଚ ଆଉ ନୂଆ ଅଧିନାୟକ ସହିତ ଟିମ ଇଣ୍ଡିଆ ପଡିଆକୁ ଓହ୍ଲାଇବ । କୋଚ ରବି ଶାସ୍ତ୍ରୀଙ୍କ ସ୍ଥାନରେ ରାହୁଲ ଦ୍ରାବିଡ ଏବଂ ଅଧିନାୟକ ଭାବରେ ରୋହିତ ଶର୍ମାଙ୍କୁ ଦାୟିତ୍ୱ ଦିଆଯାଇଛି । ସେପଟେ ଏହି ସିରିଜରୁ ଓହରି ଯାଇଛନ୍ତି ନ୍ୟୁଜିଲାଣ୍ଡର ଅଧିନାୟକ କେନ ୱିଲିୟମସନ । ତେଣୁ ତାଙ୍କ ସ୍ଥାନରେ ଟିମ ସାଉଦି ଦଳର ମଙ୍ଗ ସମ୍ଭାଳିବେ ।
ସିରିଜର ଦ୍ୱିତୀୟ ମ୍ୟଚ ୧୯ ତାରିଖରେ ରାଞ୍ଚିରେ ଏବଂ ତୃତୀୟ ତଥା ଅନ୍ତିମ ମ୍ୟାଚ କୋଲକାତାରେ ୨୧ ତାରିଖ ଦିନ ଖେଳାଯିବାର ସୂଚୀ ରହିଛି । ଟି-୨୦ ସିରିଜ ପରେ ପ୍ରଥମ ଟେଷ୍ଟ ନଭେମ୍ବର ୨୫ ଏବଂ ଡିସେମ୍ବର ୩ରେ ଦ୍ୱିତୀୟ ମ୍ୟାଚ ଖେଳାଯିବ ।
