କଟକ: ବିଜୟ ହାଜରେ ଟ୍ରଫିରେ ଓଡିଶାର ବିଜୟ ଅଭିଯାନ ଆରମ୍ଭ । ଶୁଭ୍ରାଂଶୁ ଶତପଥୀଙ୍କ ଶତକ ଏବଂ ସନ୍ଦୀପ ପଟ୍ଟନାୟକଙ୍କ ଅର୍ଦ୍ଧଶତକ ପାଳି ସହିତ ଓଡିଶା ପ୍ରଥମ ମ୍ୟାଚରେ ଆନ୍ଧ୍ରକୁ ମାତ ଦେଇଛି । ଉଭୟ ବ୍ୟାଟ୍ସମ୍ୟାନଙ୍କଠାରୁ ପଛରେ ରହି ନଥିଲେ ବାମହାତୀ ସ୍ପିନର ଜୟନ୍ତ ବେହେରା । ଆନ୍ଧ୍ରର ୪ଟି ୱିକେଟ ଅକ୍ତିଆର କରି ବିଜୟ ହଜାରେ ଟ୍ରଫିର ଏଲିଟ୍ ଗ୍ରୁପ୍ ଏ’ରେ ଓଡ଼ିଶା ପାଇଁ ବିଜୟରେ ଖୁବ ସହାୟକ ହୋଇଛନ୍ତି । ଫଳରେ ୬୩ ରନରେ ବିଜୟୀ ହୋଇଛି ଟିମ ଓଡିଶା ।
ପ୍ରଥମେ ବ୍ୟାଟିଂ କରି ଓଡିଶା ୫ ୱିକେଟ ବିନିମୟରେ ୨୭୮ ରନ ସଂଗ୍ରହ କରିଥିଲା । ଦଳ ତରଫରୁ ଶୁଭ୍ରାଂଶୁ ୧୨୦ ବଲରୁ ୮ ଚୌକା ଏବଂ ୨ ଛକା ସହିତ ୧୧୬ ରନ କରିଥିବା ବେଳେ ସନ୍ଦୀପ ମଧ୍ୟ ୫୭ ରନର ଭାଗିଦାରୀ କରିଥିଲେ । ଗୋବିନ୍ଦ ମଧ୍ୟ ଶୁଭ୍ରାଂଶୁଙ୍କ ସହ ମିଶି ୧୨୪ ରନ ସଂଗ୍ରହ କରିଥିଲେ । ତେବେ ବ୍ୟକ୍ତିଗତ ୪୬ ରନ କରିଥିବା ବେଳେ ପାଭିଲିୟନ ଫେରିଥିଲେ ଗୋବିନ୍ଦ । ଆନ୍ଧ୍ର ପକ୍ଷରୁ ୨ଟି ୱିକେଟ ଅକ୍ତିଆର କରିଥିଲେ ଏମ ହରିଶଙ୍କର ରେଡ୍ଡି ।
ତେବେ ଆନ୍ଧ୍ର ଇନିଂସରେ କୌଣସି ଖେଳାଳୀ ଓଡିଆ ବୋଲରଙ୍କୁ ସାମନା କରି ପାରି ନଥିଲେ । ୪୭ତମ ଓଭରରେ ୨୧୫ ରନ କରି ସମସ୍ତ ୱିକେଟ ହରାଇଥିଲା ଆନ୍ଧ୍ରପ୍ରଦେଶ । ବରିଷ୍ଠ ସ୍ପିନର ଜୟନ୍ତ ବେହେରା ୪ ୱିକେଟ ଅକ୍ତିଆର କରିଥିଲେ। ଦେବବ୍ରତ ପ୍ରଧାନ ୨ ୱିକେଟ ଅକ୍ତିଆର କରିଥିବା ବେଳେ ରାଜେଶ, ସୁନୀଲ, ଅଭିଷେକ, ଗୋବିନ୍ଦ ୧ ଲେଖାଏଁ ୱିକେଟ ନେଇ ଦଳକୁ ବିଜୟୀ କରାଇଥିଲେ।
ଶୁଭ୍ରାଂଶୁଙ୍କ ଶତକ ସହ ଓଡିଶାର ଅଭିଯାନ
