ପବନରେ ଉଡି କ୍ୟାଚ୍ ଧରିଲେ ଖେଳାଳି । ଏମିତି କ୍ୟାଚ ଦେଖି ବ୍ୟାଟସମ୍ୟାନଙ୍କ ଠାରୁ ଆରମ୍ଭ କରି ଫ୍ୟାନ୍ସ ସମସ୍ତେ ଆଶ୍ଚର୍ୟ୍ୟ । ଇଂଲଣ୍ଡରେ ଖେଳାଯାଉଥିବା ଟି-୨୦ ବ୍ଲାଷ୍ଟରେ ଦେଖିବାକୁ ମିଳିଛି ଏଭଳି କ୍ୟାଚ୍ । ଟି-୨୦ ବ୍ଲାଷ୍ଟ ଟୁର୍ଣ୍ଣାମେଣ୍ଟର ସସେକ୍ସ ଏବଂ ହମ୍ପସେୟାର ମଧ୍ୟରେ ହୋଇଥିବା ଏକ ମ୍ୟାଚରେ ଦେଖିବାକୁ ମିଳିଛି ଚମତ୍କାର । ଆଉ ଏହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।
STOP WHAT YOU ARE DOING
BRAD CURRIE HAS JUST TAKEN THE BEST CATCH OF ALL TIME 🤯#Blast23 pic.twitter.com/9tQTYmWxWI
— Vitality Blast (@VitalityBlast) June 16, 2023
ସସେକ୍ସ ଏବଂ ହମ୍ପସେୟାର ମଧ୍ୟରେ ୧୬ ଜୁନରୁ ଖେଳାଯାଉଥିବା ମ୍ୟାଚରେ ୨୪ ବର୍ଷୀୟ ବ୍ରାଡ କରୀ କମାଲ୍ ଫିଲ୍ଡିଂ କରିଥିଲେ । କରୀ ବାଉଣ୍ଡ୍ରୀ ଲାଇନରେ ରହି ଫିଲ୍ଡିଂ କରୁଥିବା ସମୟରେ ପବନରେ ଉଡି ଏକ ଅବିଶ୍ବନୀୟ କ୍ୟାଚ୍ ଧରିଥିଲେ । ଯାହାକୁ ଦେଇ ବ୍ୟାଟସମ୍ୟାନ୍ ଆଶ୍ଚର୍ୟ୍ୟ ହୋଇଯାଇଥିଲେ । କେବଳ ବ୍ୟାଟସମ୍ୟାନ ନୁହେଁ, ଷ୍ଟାଡିୟମରେ ବସିଥିବା ପ୍ରତ୍ୟେକ ବ୍ୟକ୍ତି କ୍ୟାଚ୍ ଦେଖି ଚକିତ ହୋଇପଡିଥିଲେ । ଏହି କ୍ୟାଚ୍ ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ।
