ନୂଆଦିଲ୍ଲୀ: ଚଳିତ ମାସ ୧୯ ତାରିଖରେ ହେବାକୁ ଥିବା ବିଶ୍ୱ ଦୌଡକୁଦ ପ୍ରତିଯୋଗିତାରେ ଓଡିଆ ପୁଅ କିଶୋର କୁମାର ଭାରତକୁ ପ୍ରତିନିଧିତ୍ୱ କରିବେ ।ହଙ୍ଗେରି ରାଜଧାନୀ ବୁଦାପେଷ୍ଟରେ ୨୭ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ପ୍ରତିଯୋଗିତାରେ ପୁରୁଷ ଜାଭେଲିନରେ ତାଙ୍କ ସହ୪ ଭାରତୀୟ ଅଂଶଗ୍ରହଣ କରିବେ । ପୁରୁଷ ଜାଭେଲିନରେ ଏକାସାଙ୍ଗରେ ଏତେ ଭାରତୀୟ ଯୋଗ ଦେବା ଏହା ଭାରତୀୟଙ୍କ ପାଇଁ ଏକ ଗୌରବପୂର୍ଣ୍ଣ କଥା।
କିଶୋର ବିଶ୍ୱ ମାନ୍ୟତା କୋଟାରୋ ନିଜ ସ୍ଥାନ ପକ୍କା କରିଛନ୍ତି । ରୋହିତ ଯାଦବ ଓ ଡିପି ମନୁ ବିଶ୍ବ ପ୍ରତିଯୋଗିତାର ୩୬ ଜଣିଆ ପ୍ରତିଦ୍ୱନ୍ଦୀ ତାଲିକାରେ ରହିଛନ୍ତି। ହେଲେ ନିକଟରେ ରୋହିତଙ୍କ କହୁଣିର ଅସ୍ତ୍ରୋପଚାର ହୋଇଥିବାରୁ ସେ ଭାଗ ନନେଇପାରନ୍ତି। ଯୋଗ୍ୟତା ସମୟ ଜୁଲାଇ ୩୦ରେ ସରିବା ପରେ ବିଶ୍ବ ଦୌଡ଼କୁଦ (ଡବ୍ଲୁଏ) ତାଲିକା ପ୍ରକାଶ କରିଛି। ଏହି ତାଲିକାରେ କିଶୋର ୩୬ତମ ସ୍ଥାନରେ ରହିଛନ୍ତି। ସେ ଶ୍ରୀଲଙ୍କା ଜାତୀୟ ପ୍ରତିଯୋଗିତାରେ ୮୪.୩୮ ମିଟର ଜାଭଲିନ୍ ଫିଙ୍ଗି ବିଜେତା ହୋଇଥିଲେ।
