ବର୍ଡର ଗାଭାସ୍କର ଟ୍ରଫି ଖେଳିବା ପାଇଁ ଏବେ ଅଷ୍ଟ୍ରେଲିଆରେ ରହିଛି ଭାରତୀୟ ଦଳ। ଭାରତ ଓ ଅଷ୍ଟ୍ରେଲିଆ ମଧ୍ୟରେ ଦ୍ୱିତୀୟ ଟେଷ୍ଟ ଆଡିଲେଡରେ ଖେଳାଯିବ। ଏହି ଟେଷ୍ଟ ମ୍ୟାଚ୍ ଗୋଲାପୀ ବଲରେ ଖେଳାଯିବ। ଏଥିପାଇଁ ଭାରତୀୟ ଦଳ ମଙ୍ଗଳବାର ଅଭ୍ୟାସ ଅଧିବେଶନରେ ଭାଗ ନେଇଥିଲା। ଅଭ୍ୟାସ ସମୟରେ ଷ୍ଟାଡିୟମକୁ ପ୍ରଶଂସକଙ୍କ ପାଇଁ ଖୋଲାଯାଇଥିଲା। ଅଷ୍ଟ୍ରେଲିଆର ଅଭ୍ୟାସ ଦେଖିବା ପାଇଁ ହାତଗଣତି ଲୋକ ଏକାଠି ହୋଇଥିବା ବେଳେ ହଜାର ହଜାର ଲୋକ ଭାରତୀୟ ଦଳକୁ ଲାଇଭ୍ ଆକ୍ସନରେ ଦେଖିବା ପାଇଁ ଏକାଠି ହୋଇଥିଲେ।
ଆଡିଲେଡରେ ନେଟର ବହୁତ ନିକଟରେ ଅଭ୍ୟାସ ଚାଲିଥିବା ସମୟରେ ଷ୍ଟାଣ୍ଡରେ ବସିଥିବା ପ୍ରଶଂସକମାନେ ଖେଳାଳିଙ୍କ ଉପରେ ଅଶ୍ଳୀଳ ମନ୍ତବ୍ୟ ଦେଇଥିଲେ। ପ୍ରଶଂସକମାନେ ମଧ୍ୟ ଭାରତୀୟ ଖେଳାଳିଙ୍କ ସହ ଅସଦାଚରଣ କରିଥିଲେ। ଜଣେ ଭାରତୀୟ ଖେଳାଳିଙ୍କୁ ମଧ୍ୟ ବଡି ସେମିଂର ଶିକାର ହେବାକୁ ପଡ଼ିଥିଲା। ଯାହାକୁ ନେଇ ବିସିସିଆଇ ପକ୍ଷରୁ ଅଭ୍ୟାସ ବେଳେ ଦର୍ଶକଙ୍କ ଏଣ୍ଟ୍ରି ଉପରେ ପ୍ରତିବନ୍ଧକ ଲଗାଇଥିବା କୁହାଯାଇଛି । ଅନ୍ୟପଟେ ଅଷ୍ଟ୍ରେଲିଆ ଦଳର ଅଭ୍ୟାସ ବେଳେ ମାତ୍ର ୭୦ଜଣ ଦର୍ଶକ ଥିବା କୁହାଯାଇଛି ।
