ପାକିସ୍ତାନ ଚଳିତ ମାସ ଶେଷରେ ୱେଷ୍ଟଇଣ୍ଡିଜ୍ ବିପକ୍ଷରେ ୨ ଟେଷ୍ଟ ମ୍ୟାଚ୍ ବିଶିଷ୍ଟ ସିରିଜ୍ ଖେଳିବାକୁ ଥିବାବେଳେ ଏଥିପାଇଁ ଦଳ ଘୋଷଣା କରାଯାଇଛି । ପାକିସ୍ତାନ କ୍ରିକେଟ୍ ଦଳକୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । ପାକିସ୍ତାନ କ୍ରିକେଟ୍ ବୋର୍ଡ (ପିସିବି) ତରଫରୁ ପୁଣିଥରେ ଷ୍ଟାର ବ୍ୟାଟ୍ସମ୍ୟାନ୍ ବାବର ଆଜମଙ୍କ ଉପରେ ଆସ୍ଥା ପ୍ରକଟ କରି ଟେଷ୍ଟ ଫର୍ମାଟର ଅଧିନାୟକ ଦାୟିତ୍ୱ ପ୍ରଦାନ କରାଯାଇଛି । ବାବର ପ୍ରାୟ ୩ ବର୍ଷ ପୂର୍ବେ ସମସ୍ତ ଫର୍ମାଟ୍ର ଅଧିନାୟକ ପଦ ଛାଡ଼ିଥିଲେ ।
୧୫ ନଭେମ୍ବର ୨୦୨୩ ରେ ବାବର ତିନୋଟି ଫର୍ମାଟ୍ର ଅଧିନାୟକ ପଦକୁ ଅଲବିଦା କହିଥିଲେ । ତାଙ୍କ ପରେ ଶାନ୍ ମସୁଦ ଟେଷ୍ଟର ଅଧିନାୟକ ଦାୟିତ୍ୱ ସମ୍ଭାଳିଥିଲେ, କିନ୍ତୁ ପରିସ୍ଥିତି ଆହୁରି ଖରାପ ହୋଇଯାଇଥିଲା । ମସୁଦଙ୍କ ଅଧିନାୟକତ୍ୱରେ ପାକିସ୍ତାନ ୧୬ ଟି ମ୍ୟାଚ୍ ମଧ୍ୟରୁ ୧୨ ଟିରେ ପରାଜୟର ସାମ୍ନା କରିଥିଲା । ଟେଷ୍ଟ କ୍ରିକେଟ୍ ଇତିହାସରେ କୌଣସି ଅଧିନାୟକ ଏତେ କମ୍ ସମୟ ବ୍ୟବଧାନରେ ଏତେ ମ୍ୟାଚ୍ ହାରି ନଥିଲେ । କେବଳ ମିସବାହ-ଉଲ୍-ହକ୍ ହିଁ ଏଭଳି ଜଣେ ଅଧିନାୟକ ଥିଲେ ଯାହାଙ୍କ ନେତୃତ୍ୱରେ ଦଳକୁ ମସୁଦଙ୍କ ଠାରୁ ଅଧିକ ପରାଜୟର ସାମ୍ନା କରିବାକୁ ପଡ଼ିଥିଲା । ମସୁଦ ନିଜର ୫୬ ଟି ଟେଷ୍ଟ ମ୍ୟାଚ୍ ମଧ୍ୟରୁ ୧୯ ଟି ମ୍ୟାଚ୍ରେ ପରାସ୍ତ ହୋଇଥିଲେ ।
