ଏସିଆନ ଗେମ୍ସ ୨୦୨୬ରେ ଭାରତକୁ ଦୌଡ଼କୁଦ ଇଭେଣ୍ଟରେ ପ୍ରଥମ ସ୍ୱର୍ଣ୍ଣ। ଦେଶକୁ ଏହି ସଫଳତା ଆଣି ଦେଇଛନ୍ତି ମହିଳା। ଆଜି ୪ ଗୁଣା ୪୦୦ ମିଟର ରିଲେରେ ଭାରତୀୟ ଝିଅ କରିଛନ୍ତି କମାଲ। ସେମାନେ ଦେଶ ପାଇଁ ଜିତିଛନ୍ତି ଐତିହାସିକ ସ୍ୱର୍ଣ୍ଣ। ଭାରତୀ ବିଥ୍ୟା ରାମରାଜ, କିରଣ, ମାଚେତ୍ତି ପୋଭାମା ଓ ପ୍ରାଚୀ ଦେଶ ପାଇଁ ଏହି ସଫଳତା ଆଣି ଦେଇଛନ୍ତି।ଭାରତୀୟ ମହିଳା ରିଲେ ଦଳ ୩ ମିନିଟ୍ ୨୯.୬୯ ସେକେଣ୍ଡ ସମୟ ନେଇ ପ୍ରଥମ ସ୍ଥାନରେ ରହି ସ୍ୱର୍ଣ୍ଣ ପଦକ ଜିତିଛି।
ବାହାରିନ୍ ୩ ମିନିଟ୍ ୩୦.୨୧ ସେକେଣ୍ଡ ସମୟ ସହ ରୌପ୍ୟ ଏବଂ ଚୀନ୍ ୩ ମିନିଟ୍ ୩୧.୦୨ ସେକେଣ୍ଡ ସମୟ ସହ କାଂସ୍ୟ ପଦକ ଜିତିଛି।ଚାରିଟି ଲ୍ୟାପ୍ରେ ଭାରତୀୟ ଖେଳାଳିମାନେ ଧୈର୍ୟ୍ୟ ଓ ଆତ୍ମବିଶ୍ୱାସର ସହ ଦୌଡ଼ିଥିଲେ। ଶେଷ ପର୍ୟ୍ୟାୟରେ ଭାରତ ବାହାରିନ୍ ଓ ଚୀନ୍ଠାରୁ ଆଗକୁ ବାହାରି ଯାଇଥିଲା। ମହିଳା ରିଲେ ଦଳର ଏହି ସଫଳତା ଏସିଆନ୍ ଗେମ୍ସରେ ଭାରତୀୟ ଆଥଲେଟିକ୍ସ ପାଇଁ ଏକ ସ୍ମରଣୀୟ ମୁହୂର୍ତ୍ତ ପାଲଟିଛି।
