ଆରସିବି ଜିତିବା ପରେ ଖୁସିରେ ନାଚିଲେ ଅନୁଷ୍କା

ନୂଆଦିଲ୍ଲୀ: ଆଇପିଏଲ ୨୦୨୪ ସିଜିନର ୬୨ ତମ ମ୍ୟାଚରେ ଆରସିବି ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ମ୍ୟାଚ ଖେଳାଯାଇଥିଲା । ଏହି ମ୍ୟାଚରେ ଆରସିବି ଦିଲ୍ଲୀକୁ ୪୭ ରନରେ ହରାଇ ପ୍ଲେ ଅଫରେ ପହଞ୍ଚିବାକ ଆଶା ଉଜ୍ଜୀବିତ କରିଛି । ଆଉ ବିରାଟଙ୍କ ଏହି ମ୍ୟରଚ ଦେଖିବାକୁ ଷ୍ଟାଡିୟମରେ ପହଞ୍ଚି ଥିଲେ ଅନୁଷ୍କା । ଆରସିବି ଜିତିବା ପରେ ଅନୁଷ୍କାଙ୍କ ରିଆକ୍ସନ ସମସ୍ତଙ୍କ ମନ ଜିତି ନେଇଛି । ଆରସିବି ଜିତିବା ପରେ ଅନୁଷ୍କା ଶର୍ମା ଠିଆ ହୋଇ ହାତ ଯୋଡି ଭଗବାନଙ୍କୁ କୃତଜ୍ଞତା ଜଣାଇଛନ୍ତି । ଅନୁଷ୍କାଙ୍କ ଏହି ପ୍ରତିକ୍ରିୟା ସୋସିଆଲ ମିଡିଆରେ ଭାଇରାଲ ହେବାରେ ଲିଗିଛି ।
ଭାଇରାଲ ଭିଡିଓରେ ଅନୁଷ୍କା ଷ୍ଟାଣ୍ଡରେ ବସି ବିରାଟଙ୍କ ପାଇଁ ଚିୟର କରୁଥିବାର ଦେଖିବାକୁ ମିଳିଛି । ଆରସିବିର ଲକି ଫଗ୍ୟୁସନ ମୁକେଶ କୁମାରଙ୍କ ୱିକେଟ ନେବା ପରେ ଦିଲ୍ଲୀ ୧୪୦ ରନରେ ଅଲଆଉଟ ହୋଇଥିଲା । ଦିଲ୍ଲୀ ର ଶେଷ ୱିକେଟ ଯିବା ପରେ ଅନୁଷ୍କା ଖୁସିରେ ନାଚି ହାତ ଯୋଡି ଭଗବାନଙ୍କୁ ଆଶ୍ରୀବାଦ ନେଇଛନ୍ତି । ଏହି ମ୍ୟାଚ ଜିତିବା ପରେ ବିରାଟ ଅନୁଷ୍କାଙ୍କ ଆଡକୁ ଈଶାରା କରୁଥିବାର ନଜର ଆସିଛନ୍ତି ।
ଏହି ସମୟରେ ଅନୁଷ୍କା ବ୍ଲୁ ରଙ୍ଗର ଡେନିମ ସହିତ ବ୍ଲାକ ଟି –ସାର୍ଟ ପିନ୍ଧିଥିବାର ନଜର ଆସିଛନ୍ତି । ତେବେ ଅନୁଷ୍କାଙ୍କ ଏହି ଭିଡିଓ ଫ୍ୟାନ୍ସ ମାନେ ନିଜ ସୋସିଆଲ ମିଡିଆରେ ସେୟାର କରିଛନ୍ତି । ଏହାକୁ ନେଇ ମଧ୍ୟ ଫ୍ୟାନ୍ସ ମାନେ ବିଭିନ୍ନ କମେଣ୍ଟ ଦେଇଛନ୍ତି ।